ދެމަފިރިންގެ ދެމެދުގައި ހިނގި ހަމަނުޖެހުމެއްގައި، މީހަކު ޒަހަމްވެއްޖެއެވެ.

ފުލުހުން މިއަދު ބުނީ އެ ހަމަނުޖެހުން ހިނގީ ބ. ދަރަވަންދޫގައި ކަމަށެވެ. އެކަން ފުލުހުންނަށް ރިޕޯޓު ކުރީ، ރޭ 1:52 ހާއިރު ކަމަށް ފުލުހުން ބުންޏެވެ.

ފުލުހުން ބުނީ، އެ ހަމަނުޖެހުމުގެ ތެރެއިން ފިރިހެނަކު ޒަހަމްވި ކަމަށެވެ. އެ މީހާ އަށް ފަރުވާ ދިނުމަށް ބ. އޭދަފުށި ހޮސްޕިޓަލަށް ގެ ގެންދިޔައެވެ. ނަމަވެސް މިހާރު އޭނާ ވަނީ ދޫކޮށްލައިފައެވެ.

ފުލުހުން ބުނީ އެ މައްސަލަ ތަހުގީގު ކުރަމުން އަންނަ ކަމަށެވެ.