އިއްޔެ ރާއްޖޭގެ އެކި ސަރަހައްދުތަކަށް ކުރި ވިއްސާރާގައި އެންމެ ގިނައިން ވާރޭ ވެހުނީ ކ. ދިއްފުއްޓަށް ކަމަށް މޫސުމާ ބެހޭ ގައުމީ އިދާރާ (މެޓް)ގެ ތަފާސް ހިސާބުތަކުން ދައްކައިފިއެވެ.
މެޓުގެ ތަފާސް ހިސާބުތައް ދައްކާ ގޮތުގައި މިއީ މިހާތަނަށް އެންމެ ގިނައިން ރަށަކަށް ވާރޭ ވެހުނު ކަމަށް ރިކޯޑު ކުރެވުނު އެންމެ މަތީ އަދަދެވެ. އިއްޔެ ހެނދުނު 8:00 އިން މިއަދު ހެނދުނު 8:00 އަށް ދިއްފުއްޓަށް ވަނީ 296.1 މިލިމީޓަރުގެ ވާރޭ ވެހިފައެވެ.
ދެވަނަ އަށް އެންމެ ގިނައިން ވާރޭ ވެހުނު ކަމަށް ރިކޯޑު ކުރެވިފައި ވަނީ ހުޅުމާލެ އަށެވެ. ހުޅުމާލެ އަށް ވަނީ 185.2 މިލިމީޓަރުގެ ވާރޭ ވެހިފައެވެ. ތިންވަނަ އަށް އެންމެ ގިނައިން ވާރޭ ވެހުނު ކަމަށް ރިކޯޑު ކުރެވިފައި ވަނީ ފ. ނިލަންދޫއަށެވެ. އެރަށަށް ވޭތުވެދިޔަ 24 ގަޑިއިރުގެ ތެރޭގައި 178.2 މިލިމީޓަރުގެ ވާރޭ ވެހިފައިވެއެވެ.
ވިއްސާރައިގެ ރިކޯޑުތައް:
1 - ކ. ދިއްފުށި: 296.1 މިލިމީޓަރު (1 މާޗު 2025)
2 - ހއ. ކެލާ: 231.5 މިލިމީޓަރު (12 އޮގަސްޓު 2025)
3 - ކ. މާލެ: 228.9 މިލިމީޓަރު (05 ޑިސެމްބަރު 2018)
4 - ކ. މާލެ: 228.4 މިލިމީޓަރު (24 ނޮވެމްބަރު 2015)
5 - ގދ. ކާޑެއްދޫ: 219.8 މިލިމީޓަރު (09 ޖުލައި 2002)
އިއްޔެގެ އިރުއޮއްސުނު ވަގުތުން ފެށިގެން ރޭގެ ފަތިހާއި ހަމައަށް ވެހެނު ބޯ ވާރޭގައި މާލޭގެ އެކި ސަރަހައްދުތަކުން ޖުމްލަ 16،911 ޓަނުގެ ފެން ހިންދާފައިވެއެވެ.
ތިލަމާލޭ ބްރިޖުގެ އެންމެ އުސް ތަނބު ބަހައްޓައިފި 
ރޯވި ބޯޓު އަޑިއަށް، ގެއްލުނު ފަޅުވެރިޔާ ހޯދަނީ 
މެންބަރުންގެ މުސާރަ ކުޑަކުރަންވީ އައު ދައުރަކާއެކު: ފަލާހް 
ޒުވާން ޖީލު ދުންފަތާ ދުރުކުރުމަށް ރައީސްގެ ތިން ހުށަހެޅުއްވުމެއް 
އޯޓިޒަމް ކުދީންނަށް ލޯބިދިނުމަކީ ގައުމީ ވާޖިބެއް: ރައީސް 
އިންޑިއާއިން މިޔަންމާއަށް އެހީ ފޮނުވައިފި 
