ރައީސުލްޖުމްހޫރިއްޔާ އައްޔަން ކުރައްވާ މެންބަރެއްގެ ގޮތުގައި ޖުޑީޝަލް ސާވިސް ކޮމިޝަން (ޖޭއެސްސީ) އަށް، ގއ. ވިލިނގިލީ / ވައިޖެހޭގެ، ޔަޒްމީދު މުހައްމަދު އައްޔަން ކުރައްވައިފިއެވެ.

ރައީސް އޮފީހުން މިއަދު ބުނީ ޔަޒްމީދު އެ މަގާމަށް އައްޔަން ކުރެއްވީ ރައީސުލްޖުމްހޫރިއްޔާ އައްޔަން ކުރެއްވި މެންބަރެއްގެ ގޮތުގައި ޖޭއެސްސީގައި ހުންނެވި، މުހައްމަދު ސަމީރު އެ މަގާމުން ވަކި ކުރެއްވުމަށްފަހު ކަމަށެވެ.

މި ރަސްމިއްޔާތުގައި ޖުޑީޝަލް ސާވިސް ކޮމިޝަންގެ މެންބަރު ކަމަށް އައްޔަން ކުރެއްވި ކަމުގެ ލިޔުން، ރައީސުލްޖުމްހޫރިއްޔާ، ޔަޒްމީދުއާ ވަނީ ހަވާލުކުރައްވާފައެވެ.