އިމަޖެންސީގައި ދުއްވާފައިވާ ދިޔަ އެމްބިއުލާންސަކާއި ސައިކަލެއް ޖެހި އެކްސިޑެންޓެއް ހިނގައިފިއެވެ.

މި އެކްސިޑެންޓު ހިނގީ އަމީނީމަގު ކުރީގެ ހައުސިން މިނިސްޓްރީ ކައިރިން މިރޭ 19:35 ހާއިރު ކަމަށް ފުލުހުން ބުންޏެވެ.

މި އެކްސިޑެންޓުގައި މާބޮޑު އަނިޔާތަކެއް އެއްވެސް މީހަކަށް ނުވެއެވެ. އެކަމަކު ސައިކަލު ދުއްވަން އިން މީހާގެ ނިތްކުރި ދުޅަވެ، އައިޖީއެމްއެޗަށް ގެންގޮސްފައިވާ ކަމަށް ފުލުހުން ބުންޏެވެ.

މި މައްސަލަ ބަލަމުން އަންނަ ކަމަށް ފުލުހުން ބުންޏެވެ.