މާލޭގައި ހިންގަމުން އަންނަ ކެފޭއެއްގެ ބަދިގޭގައި ހިނގި މާރާމާރީއެއްގައި ބިދޭސީއަކު ޒަހަމްކޮށްލައިފިއެވެ.

އެ މާރާމާރީ ހިންގާފައި ވަނީ މާވެޔޮ މަގުގައި ހުންނަ ކެފޭއެއްގެ ތެރޭގައެވެ. ފުލުހުން މިއަދު ބުނީ މަރާމާރީއެއްގެ މައްސަލަ މެންދުރު 12:10 އެހާކަށްހާއިރު ފުލުހުންނަށް ރިޕޯޓްކުރުމާ ގުޅިގެން އެކަން ބަލަމުން އަންނަ ކަމަށެވެ.

އެ މާރާމާރީގައި ޒަހަމްވި މީހާއަށް އައިޖީއެމް ހޮސްޕިޓަލުގައި ފަރުވާ ދެމުންދާ ކަމަށްވެސް ފުލުހުން ބުންޏެވެ. އެ މަރާމާރީ ހިންގާފައި ވަނީ "ތާސީރު" ނަމަކަށް ކިޔާ ކެފޭއެއްގެ ތެރޭގައެވެ.