ރާއްޖޭގައި އިންޑިއާގެ ބަޔަކު ބާއްވަން އުޅުނު ޕޮންގަލް ފެސްޓިވަލް ފުލުހުން ހުއްޓުވައިފިއެވެ.

މި ފެސްޓިވަލަކީ އިންޑިއާގެ ތަމަޅަ މީހުން ވަރަށް ކުލަގަދަކޮށް ފާހަގަކުރަމުން އަންނަ ފެސްޓިވަލެކެވެ. މިއީ އެމީހުންގެ ދީނީ ފެސްޓިވަލެކެވެ.

މި ފެސްޓިވަލް ބާއްވަން ނިންމާފައި އޮތީ މިމަހުގެ ހަތްވަނަ ދުވަހުއެވެ. އެކަމަކު ފުލުހުން ރޭ ނެރުނު ބަޔާނެއްގައި ވަނީ ޕޮންގަލް ފެސްޓިވަލް ނުބޭއްވޭނެ ކަމަށް އެކަން އިންތިޒާމުކުރި ފަރާތްތަކަށް ކަމާ ބެހޭ އިދާރާތަކުން މިހާރު އަންގާފައިވާ ކަމަށް ބުނެފައެވެ.

އަދި އެ ފެސްޓިވަލް މިހާރު ކެންސަލުކޮށްފައިވާ ކަމަށް އިންތިޒާމުކުރި ފަރާތްތަކުން މައުލޫމާތު ދީފައިވާ ކަމަށް ފުލުހުން ބުންޏެވެ.