ހދ. ހިރިމަރަދޫ މީހުން އެ އަތޮޅު ހަނިމާދުއަށް ބަދަލުކުރަން ސަރުކާރުން ނިންމައިފިއެވެ.

މިކަން ހާމަ ކުރެއްވީ ރައީސް އޮފީހުގެ ތަރުޖަމާން ހީނާ ވަލީދު އެކްސްގައި ކުރެއްވި ޕޯސްޓެއްގައެވެ. އެކަމަނާ ވިދާޅުވީ ހދ. ހިރިމަރަދޫ ރައްޔިތުން އެދިވަޑައިގަތްގޮތަށް، އެރަށު ރައްޔިތުން ހދ. ހަނިމާދޫއަށް ބަދަލުކުރުމަށް ސަރުކާރުން ނިންމަވާފައިވާ ކަމަށެވެ. އިތުރު ތަފްސީލެއް ނުދެއްވައެވެ.

ހިރިމަރަދޫގެ އާބާދީ މަދުވުމުން އެރަށު ރައްޔިތުން އެހެން ރަށަކަށް ބަދަލު ކޮށްދިނުމަށް މީގެކުރިން ވެސް ސަރުކާރުތަކުގައި އެދިފައިވެއެވެ. މީގެކުރިން ކ. ތުލުސްދޫ އަށް ވެސް އެރަށު ރައްޔިތުން ބަދަލު ކޮށްދިނުމަށް އެދުނެވެ. އެކަމަށް ތުލުސްދޫ ކައުންސިލުން މަރުހަބާ ވެސް ކިޔެވެ.

އެންމެ ފަހުން ހެދި ބޯހިމެނުމުން ދައްކާ ގޮތުގައި ހިރިމަރަދޫގައި މިވަގުތު ދިރިއުޅޭ އާބާދީއަކީ 293 އެވެ. އެއީ 157 ފިރިހެނުންނާއި 136 އަންހެނުންނެވެ.