ރ. އުނގޫފާރުން ށ. މިލަންދޫއަށް ދަތުރު ކުރަމުންދިޔަ ލޯންޗެއް ބަންޑުން ޖަހާލައިފިއެވެ.

ފުލުހުން ބުނީ މިއަދު މެންދުރު 14:30 ހާއިރު އުނގޫފާރުން ފުރައިގެން މިލަންދޫ އަށް ދިޔުމަށް ދަތުރުކުރި ލޯންޗެއް ށ. މާކަނޑޫދޫ ކައިރިއަށް އަޑިއަށް ގޮސްފައިވާ ކަމަށް ރިޕޯޓުކޮށްފައިވާ ކަމަށެވެ.

އެ ލޯންޗުން ހަ އަންހެނުންނާއި ހަތަރު ފިރިހެނުން އަދި ފަސް ކުޑަކުދިން ދަތުރުކުރިއެވެ.

ލޯންޗުން ދަތުރުކުރި އެންމެން ސަލާމަތްކޮށް، މިލަންދޫ ސިއްހީ މަރުކަޒަށް ގެންގޮސް ފަރުވާ ދިނުމަށް ފަހު ދޫކޮށްލާފައިވާ ކަމަށް ފުލުހުން ބުންޏެވެ.