އަލް މަޝްއަރް ޕްރައިވެޓް ލިމިޓެޑް އިން މިދިޔަ އަހަރު އުމްރާ އަށް މީހުން ގެންދިއުމަށް ގިނަ ބައެއްގެ އަތުން ފައިސާ ނަގާ މަކަރާއި ހީލަތް ހެދި މައްސަލާގައި އެ ގްރޫޕްގެ ވެރިޔާ އަލީ ފާރިޝްގެ މައްޗަށް ދައުވާ ކޮށްދިނުމަށް ފުލުހުން ޕްރޮސިކިއުޓަރު ޖެނެރަލް (ޕީޖީ) އޮފީހަށް ފޮނުވައިފިއެވެ.
މަޝްއަރު ގްރޫޕުން ވަނީ އުމްރާ އަށް މީހުން ގެންދާނެ ކަމަށް ބުނެ 27 މީހެއްގެ އަތުން 500،000 ރުފިޔާއަށް ވުރެ ގިނަ ފައިސާ ނަގައިފައެވެ. އަދި އެ ގްރޫޕްގެ ހަވާލުގައި އުމްރާ އަށް ދިޔަ މީހުން މައްކާގައި ތާށިވިއެވެ. އެއީ އެ ގްރޫޕަށް ޓިކެޓް ވިއްކި އޭޖެންޓް އޭސް ޓްރެވަލްސް އަށް ރިޓާން ޓިކެޓަށް ވާ ފައިސާ ނުދެއްކުމުންނެވެ.
އެ މައްސަލަ ފެންމަތިވުމުން މަޝްއަރު ގްރޫޕުން ވަނީ އެ ގްރޫޕުގެ ހަވާލުގައި އުމްރާއަށް ދިޔަ މީހުންނަށް އަމިއްލަ އަށް ރިޓާން ޓިކެޓަށް ފައިސާ ދެއްކޭނަމަ ފައިސާ ދެއްކުމަށް އެދިފައެވެ. އަދި އެ ގްރޫޕުން އެ ފައިސާ ފަހުން ރައްދު ކުރާނެ ކަމަށްވެސް ބުންޏެވެ.
އެ މައްސަލަ ފުލުހުންނަށް ހުށަހެޅީ އިސްލާމިކް މިނިސްޓްރީންނެވެ. އެ މިނިސްޓްރީން މައްސަލަ ފުލުހުންނަށް ހުށަހެޅީ މިދިޔަ އަހަރުގެ އޭޕްރީލް މަސް ތެރޭގައެވެ.
ފުލުހުން މިއަދު ބުނީ މަޝްއަރް ގްރޫޕުގެ ހަވާލުގައި އުމްރާ އަށް ދިއުމަށް މީހުން ދެއްކި ފައިސާ އަށް ހިޔާނާތްތެރިވެފައިވާ މައްސަލާގައި ދައުވާ ކޮށްދިނުމަށް މިމަހުގެ 19ވަނަ ދުވަހު ޕީޖީއަށް ފޮނުވާފައިވާ ކަމަށެވެ. ދައުވާ ކުރުމަށް ފޮނުވީ މަޝްއަރު ގްރޫޕުގެ ވެރިޔާ އަލީ ފާރިޝްގެ މައްޗަށެވެ.
މީގެއިތުރުން މަޝްއަރް ކުންފުންޏާއި ޓްރިއާ ޕްރައިވެޓް ލިމިޓެޑާއި ހާފްޓޯން ޕްރައިވެޓް ލިމިޓެޑުގެ މައްޗަށް ވެސް ދައުވާ ކޮށްދިނުމަށް ފުލުހުން އެދިފައިވެއެވެ.
މިދިޔަ އަހަރުގެ ޑިސެމްބަރު މަހު ވެސް ބައެއް އަމިއްލަ ގްރޫޕްތަކުގެ ހަވާލުގައި އުމްރާއަށް ދިޔަ މީހުންނަށް މިފަދަ މައްސަލަތަކެއް ކުރިމަތިވިއެވެ.
އަޅުގަނޑުގެ މަގުސަދަކީ މުއައްސަސާތައް ރިފޯމް ކުރުން: ނާޒިމް 
މޯދީ ވެސް ހުންނެވީ ރައީސާ އެއް ވިސްނުމެއްގައި 
އޭސީސީން ހިންގާ ތަހުގީގުތައް އަވަސް ކުރުމަށް ޕީޖީން އަމުރުކޮށްފި 
ދެގައުމުގެ މަސްލަހަތާ އެއްގޮތަށް މަސައްކަތް ކުރުމަށް ސާބިތުވެ ތިބޭނަން 
މުސްތަގުބަލަށް އިޔާދަކުރަނިވި ހަކަތައަށް އިންވެސްޓްކުރުން ލާޒިމް 
ނޫސްވެރިކަމާ އިންޓަނެޓް ރެގިއުލޭޓް ކުރާ ބިލެއް ތައާރަފް ކުރާކަށް ނޫޅޭ 
