ބޭރު ފައިސާ މާރު ކުރުމާއި ގުޅޭ ގަވާއިދުގެ ދަށުން، ބޭންކުތަކަށް ރިސޯޓުތަކުން 30 މިލިއަން ޑޮލަރާއި 40 މިލިއަން ޑޮލަރާއި ދެމެދުގެ އަދަދެއް މާރު ކުރާނެ ކަމަށް މަރުކަޒީ ބޭންކް (އެމްއެމްއޭ) އިން އަންދާޒާ ކޮށްފިއެވެ.
އެމްއެމްއޭގެ އޮފިޝަލަކު "ހަތާވީސް" އަށް މިއަދު ވިދާޅުވީ ރާއްޖޭގައި އޮޕަރޭޓު ކުރަމުން އަންނަ 175 ރިސޯޓްގެ ތެރެއިން 138 ރިސޯޓްގެ އޮކްޓޫބަރު މަހުގެ ސޭލްސް ރިޕޯޓް ލިބިފައިވާ ކަމަށެވެ. ސޭލްސް ރިޕޯޓް ނުލިބެނީ 37 ރިސޯޓްގެ ކަމަށް އޭނާ ވިދާޅުވިއެވެ.
"މިހާތަނަށް ހުށަހަޅާފައިވާ ސޭލްސް ރިޕޯޓްތަކަށް ބަލާއިއިރު 30 މިލިއަން ޑޮލަރާއި 40 މިލިއަން ޑޮލަރާއި ދެމެދުގެ އަދަދެއް، ބޭރުފައިސާ މާރުކުރުމުގެ ގަވާއިދުގެ ސަބަބުން ބޭންކުތަކަށް މާރުކުރެވިގެންދާނެ ކަމަށް ލަފާކުރެވޭ،" އޭނާ ވިދާޅުވިއެވެ.
މި އަހަރުގެ ޖެނުއަރީ އެއް ވަނަ ދުވަހުން ފެށިގެން ބޭރުފައިސާއާ ބެހޭ ގާނޫނަށް އަމަލު ކުރަން ފެށި ނަމަވެސް މިދިޔަ އޮކްޓޫބަރު މަހުން ފެށިގެން އެކަމާ ގުޅޭ ގަވާއިދެއް އެމްއެމްއޭ އިން އެކުލަވާލާފައިވެއެވެ.
އެހެންކަމުން މިދިޔަ އަހަރުގެ ފަހު ތިން މަހު ޓޫރިސްޓުން އައި އަދަދަށް ބަލާ ޑޮލަރު މާރު ކުރަން ޖެހޭނީ ގަވާއިދުގައިވާ ގޮތަށެވެ.
މިދިޔަ އަހަރުގެ އޮކްޓޫބަރު މަހުގެ އެއްވަނަ ދުވަހު އެމްއެމްއޭ އިން ގެޒެޓުގައި ބުނެފައި ވަނީ ޓޫރިޒަމް ދާއިރާގެ ހުރިހާ ފަރާތްތަކުން ކޮންމެ މަހަކު ލިބޭ ބޭރު ފައިސާގެ ޖުމްލަ އަދަދު އެ 87 ދުވަސް ކުރިން ރާއްޖޭގެ ބޭންކަކަށް ޖަމާ ކުރަން ޖެހޭނެ ކަމަށެވެ.
ޓޫރިޒަމް ދާއިރާއިން ލިބޭ ބޭރު ފައިސާ މާރުކުރަން ޖެހޭނީ ވެސް ބޭންކްތައް މެދުވެރިކޮށެވެ. އެގޮތުން ރިސޯޓްތަކަށް އަންނަ ކޮންމެ ޓޫރިސްޓެއްގެ ބޮލަކަށް 500 ޑޮލަރުގެ ރޭޓުން ބޭރު ފައިސާ ދިވެހި ބޭންކެއް މެދުވެރިކޮށް މާރު ކުރަން ޖެހޭނެ ކަމަށް އެ ގަވާއިދުގައިވެއެވެ.
ފަތުރުވެރިކަމުގެ ދާއިރާ އިން ލިބޭ ޑޮލަރު ރާއްޖޭގެ ބޭންކުތަކަށް މާރު ކުރުމުގައި ދެ އިހްތިޔާރެއް ހިމަނައި، ގާނޫނެއް ފާސް ކޮށްފައިވާއިރު އޭގައި ދެ ކެޓަގަރީއެއްވެއެވެ.
"ކެޓަގަރީ އޭ ޓޫރިޒަމް އެސެޓްބްލިޝްމަންޓް" ގައި ހިމެނޭ ފަރާތްތަކަށް ދެ އިހްތިޔާރެއް ދީފައިވެއެވެ. އެ ދެ އިހްތިޔާރަކީ ކޮންމެ ޓޫރިސްޓެއްގެ ބޮލަކަށް 500 ޑޮލަރު މާރުކުރުން ނުވަތަ ކޮންމެ މަހެއްގެ ޖުމްލަ އާމްދަނީގެ 20 ޕަސެންޓް ޑޮލަރު މާރު ކުރުމެވެ.
"ކެޓަގަރީ ބީ ޓޫރިޒަމް އެސެޓްބްލިޝްމަންޓް" ގައި ހިމަނާފައިވާ ދެ އިހްތިޔާރަކީ ކޮންމެ ޓޫރިސްޓަކަށް 25 ޑޮލަރުގެ ރޭޓުން ނުވަތަ މަހެއްގެ ތެރޭގައި އެ ފަރާތަށް ލިބޭ ބޭރު ފައިސާގެ އާމްދަނީގެ 20 ޕަސެންޓު މާރުކުރަން ޖެހޭ ގޮތަށް ހިމެނުމެވެ.
ވަގު ފޯމުގެ މައްސަލަ ތަހުގީގު ކުރަން ޕީޖީން އަމުރެއް ނެރެން ޖެހޭ 
ޑީބީއެމްގެ މަސައްކަތް ކުރިޔަށް ދަނީ ފޭސްތަކަކަށް ބަހާލައިގެން 
ރޯދަމަހު ހިލޭ ބަހާ މަސްދަޅު ސައިޒަށް ބަދަލު އަންނަ ވާހަކަ ދޮގުކޮށްފި 
ވައި ނުސާފުވުމުން ބައެއް ކަންކަން މަޑުޖައްސާލަން އަންގައިފި 
ކަރަންޓު ކެނޑުނީ ފްލެޓުގެ މަސައްކަތަށް ކޮނުމުގެ ތެރޭގައި: ސްޓެލްކޯ 
މާލެ ސަރަހައްދުގެ ވައި، ސިއްހަތަށް ނުރައްކާތެރި މިންވަރެއްގައި 
