މާލޭގެ ގެސްޓު ހައުސެއްގެ ފާހާނާ ތެރޭގައި މަރުވެފައި އޮތް މީހަކު ފެނިއްޖެއެވެ.

ފުލުހުން ބުނީ މާލޭގެ ހެންވޭރުގައި ހިންގާ އެ ގެސްޓު ހައުސްގެ ފާހާނާ ތެރޭގައި މީހަކު ވެއްޓިފައި އޮތް ކަމުގެ މައުލޫމާތު މިއަދު މެންދުރު 14:04 ހާއިރު ފުލުހުންނަށް ލިބިފައިވާ ކަމަށެވެ.

އެމީހާ ހޮސްޕިޓަލަށް ގެންދިޔަ އިރުވެސް މަރުވެފައިވާ ކަމަށް ހޮސްޕިޓަލާ ހަވާލާދީ ފުލުހުން މައުލޫމާތު ދިނެވެ.

މަރުވެފައި އޮތީ އައްޑޫ ސިޓީ ހުޅުދޫ، އުމުރުން 59 އަހަރުގެ ފިރިހެނެކެވެ.