ގައުމީ އެއާލައިން މޯލްޑިވިއަންގެ ފުރަތަމަ ވައިޑް-ބޮޑީ މަތިންދާ ބޯޓު މިއަދު ރާއްޖެ ގެނެސްފިއެވެ.
ވެލާނާ އިންޓަނޭޝަނަލް އެއާޕޯޓުގައި މިއަދު ހަވީރު ވަނީ މިކަމަށްޓަކައި ހާއްސަ ރަސްމިއްޔާތެއް ބާއްވައިފައެވެ. މޯލްޑިވިއަން އެއާލައިންގެ ހިދުމަތް ފުޅާ ކުރުމަށްޓަކައި ވައިޑް-ބޮޑީ އެއާކްރާފްޓެއް ގެނައުމަކީ ރައީސް ޑރ. މުހައްމަދު މުއިއްޒުގެ ރިޔާސީ ވައުދެކެވެ.
މި ބޯޓު ރާއްޖެ ގެނައުމަށް ބޭއްވި ރަސްމިއްޔާތުގައި ރައީސުލްޖުމްހޫރިއްޔާގެ ދެކަނބަލުން ބައިވެރިވެވަޑައިގެންނެވިއެވެ. އަދި ކެބިނެޓު ބައެއް މިނިސްޓަރުންވެސް އެ ރަސްމިއްޔާތުގައި ބައިވެރިވެވަޑައިގަތެވެ.
މި މަތިންދާ ބޯޓު ރާއްޖެ ގެނެސްފައި ވަނީ ސިންގަޕޫރު މަގުންނެވެ. މި ބޯޓު ރާއްޖެ ގެނައުމަށް ބޭއްވި ރަސްމިއްޔާތުގައި ހާއްސަ އެއާ ޝޯއެއް ވެސް ވަނީ ބާއްވައިފައެވެ.
ޖުމްލަ 264 ގޮނޑި ހިމެނޭ މި ބޯޓުގައި ތިން ކުލާހެއް ހިމެނެއެވެ. އެއީ 18 ގޮނޑީގެ ބިޒްނަސް ކުލާހާއި 36 ގޮނޑީގެ ފްރިމިއަމް އިކޮނޮމީ ކުލާހުގެ އިތުރުން 210 ގޮނޑީގެ އިކޮނޮމީ ކުލާހެވެ.
ވައިޑް ބޮޑީގެ ބޯޓުގައި އެންމެ ފުރަތަމަ ދަތުރުތައް ފަށަން ހަމަޖެހިފައި ވަނީ ޗައިނާއަށެވެ.
ޝިޔާމްގެ މައްޗަށް ކުށް ސާބިތުނުވެ ސަލާމަތްވުމުން ޕީޖީން ހައި ކޯޓަށް 
ފައިސާ އާއި ރަނާއެކު ޗައިނާ ބަޔަކު ކޮންގޯއިން ހައްޔަރުކޮށްފި 
ހަތިޔާރު އުފެއްދުމުގައި ސައޫދީ އާއި އިންޑިއާ ގުޅިގެން މަސައްކުރަނީ 
އެއާޕޯޓުގައި ޓެކްސީއެއް އެކްސިޑެންޓުވެ، ދެ މީހަކަށް އަނިޔާވެއްޖެ 
ގަލޮޅު އިހްސާން ފިހާރަ ހިންގާ އިމާރާތުގައި ރޯވެއްޖެ 
ވައިޑް-ބޮޑީގެ އިތުރު ބޯޓެއް އޮކްޓޫބަރު މަހު ގެންނަނީ 
