މިހާރު ކުރަމުންދާ ވިއްސާރަޔާ ގުޅިގެން އާންމު ރައްޔިތުންގެ ސަލާމަތާއި ރައްކާތެރިކަމަށްޓަކައި ކައުންސިލުތަކާއި، އެހެނިހެން އިދާރާތައް ގުޅިގެން ކުރެވޭ މަސައްކަތުގައި އެންމެން ބައިވެރިވެ، އެއްބައެއްގެ ގޮތުގައި އެހީތެރިވަމުން ގެންދިއުމަށް އެދިވަޑައިގަންނަވާކަމަށް އެމްޑީޕީގެ ރައީސް ޝާހިދު ވިދާޅުވެއްޖެއެވެ.

ވިއްސާރައިގެ ސަބަބުން މާލެއާއި އެހެން ގިނަ ރަށްތަކެއްގައި ފެންބޮޑުވެ، އާއްމު ދިރިއުޅުމަށް ވަނީ ބުރޫއަރާފައެވެ.

ޝާހިދު ވަނީ ރާއްޖޭގެ ބޮޑުބަޔަކަށް ގަދަވަޔާއެކު ކުރަމުންއަންނަ ވިއްސާރާގައި ރަށްތަކަށް ބޮޑެތި ގެއްލުންތައް ލިބި އާންމު ދިރިއުޅުން ގިނަ ރަށްރަށުގައި ހުއްޓުމަކަށް އައިސްފައިވާކަން ފާހަގަކުރައްވާފައެވެ. އަދި އަދި ރައްޔިތުން މިއަދު ތަޙައްމަލް ކުރަމުންދާ ހިތާމައިގައި ބައިވެރިވާކަމަށްވެސް ޝާހިދު ވިދާޅުވިއެވެ.