ވަގު ލިޔެކިޔުންތަކެއް ހުށަހަޅައިގެން، ހުޅުމާލެ ދެ ވަނަ ފިޔަވަހިން ހިލޭ ގޯތި ހޯދަން އުޅުނު މައްސަލާގައި ޝާމިލުވާ ފަރާތްތަކަށް ދައުވާ ކުރަން މަޝްވަރާތައް ފަށައިފިއެވެ.
އެ މައްސަލަ ތަހުގީގު ކުރުމަށް ޕްރޮސިކިއުޓަރު ޖެނެރަލް ވަނީ ތަހުގީގީ އިދާރާތަކުގެ މައްޗަށް އަމުރެއް ނެރެފައެވެ.
އެކަމާއި ގުޅިގެން އޭސީސީން މިރޭ ބުނީ އެ ކޮމިޝަނުން ތަހުގީގުކުރަމުން އަންނަ ގެދޮރުވެރިޔާ ސްކީމްގެ ދަށުން ފްލެޓް ދޫކުރުމުގެ މައްސަލައިގައި ހިމެނޭ ފަރާތްތަކުގެ މައްޗަށް، މި މައްސަލައިގައި ދައުވާކޮށްދިނުމާ މެދު ގޮތެއް ނިންމަން، ޕީޖީ އޮފީހާއެކު، ރަސްމީކޮށް އެ ކޮމިޝަނުން ޑިއުޓީ ޕްރޮސެކިއުޝަން ފަށާފައިވާ ކަމަށެވެ.
އާންމު މަސްލަހަތު ބޮޑު މި މައްސަލައިގެ، ޑިއުޓި ޕްރޮސެކިއުޝަންގެ މަރުހަލާ ނިންމައި، ދައުވާކުރެވޭނެ ފަރާތްތަކުގެ މައްޗަށް ދައުވާކޮށްދިނުމަށް އެދެން، ކުރަންޖެހޭ މަސައްކަތްތައް އެ ކޮމިޝަނުން ވީ އެންމެ އަވަހަކަށް ކުރަމުން ގެންދާނެ ކަމަށް އޭސީސީން ބުނެ އެވެ.
އެ މައްސަލާގައި ޝާމިލުވާ 20 ފަރާތެއްގެ އިލެކްޓްރޯނިކް ސާމާނު ވެސް ފުލުހުން ވަނީ ކޯޓު އަމުރެއްގެ ދަށުން ހިފަހައްޓައިފައެވެ. އޭގެތެރޭގައި މި މައްސަލައާ ގުޅިގެން މިހާރު ސަސްޕެންޑު ކޮށްފައިވާ އެމްޑަބްލިއުއެސްސީގެ ޑީއެމްޑީ މުހައްމަދު ފަޒީލްގެ ފޯނު ވެސް ހިމެނެއެވެ.
އެ މައްސަލާގައި ފަޒީލްގެ މައްޗަށް ފުލުހުން ކުރަނީ ޑޮކިއުމެންޓު ފޯޖު ކޮށްފައިވާ ތުހުމަތެވެ.
"ސިލޯނާއެކު ދިވެހީން" ޓެލެތޯން އަށް ދެ މިލިއަން ރުފިޔާ ލިބިއްޖެ
ސަނީގެ އުމަރުގެ ފަރާތުން އަނިޔާ ލިބުނު ކުއްޖާގެ އާއިލާއިން ޕޮލިހަށް
ޕީއެންސީން ކައުންސިލް އިންތިހާބުގެ ޕްރައިމަރީއަށް މާދަމާ ހުޅުވާލަނީ
ހުޅުމާލެ ގެސްޓު ހައުސެއްގައި ބިދޭސީއަކު މަރުވެފައި އޮއްވާ ފެނިއްޖެ
އެސްޓީއޯ އާއި ހިޓާޗީގެ ގުޅުމަށް 25 އަހަރުފުރުން ފާހަގަކޮށްފި
އެމްޑީޕީގެ ޗެއާޕާސަންގެ މަގާމަށް މީކާއީލް ވާދަކުރައްވަނީ