ރާއްޖޭގައި ވޭޕް ބޭނުން ކުރުން މަނާ ކުރި ދުވަހުން ފެށިގެން މިމަހުގެ 22ވަނަ ދުވަހާއި ހަމައަށް ހަތަރު ފަރާތެއް ޖޫރިމަނާކޮށްފިއެވެ.

ރާއްޖޭގައި ވޭޕް ބޭނުން ކުރުން މިމަހުގެ 15ވަނަ ދުވަހުން ފެށިގެން ވަނީ މަނާ ކޮށްފައެވެ. ފުލުހުން ބުނީ މިމަހުގެ 22ވަނަ ދުވަހާއި ހަމައަށް 9 މީހަކު ވޭޕް ބޭނުން ކޮށްގެން ޖޫރިމަނާ ކޮށްފައިވާ ކަމަށެވެ.

ޖޫރިމަނާ ކުރާ ކޮންމެ ފަހަރަކު ޖޫރިމަނާ ކުރާނީ 5،000 ރުފިޔާ އިންނެވެ. އެހެންކަމުން މިހާތަނަށް ވޭޕް ޖޫރިމަނާގެ ގޮތުގައި 50،000 ރުފިޔާގެ ޖޫރިމަނާ ވަނީ ކޮށްފައެވެ. ފުލުހުން ބުނީ ޖޫރިމަނާކުރި 9 މީހުންގެ ތެރެއިން އެކަކު ޖޫރިމަނާ ކޮށްފައި ވަނީ 10،000 ރުފިޔާ އިން ކަމަށެވެ. އެ އަދަދުން އޭނާ ޖޫރިމަނާ ކޮށްފައި ވަނީ ސައިކަލު ދުއްވަމުން ވޭޕް ބޭނުން ކުރަމުން ދިއުމުންނެވެ.

ވޭޕް އެތެރެކޮށް އޭގެ ވިޔަފާރި ކުރުމާއި ބޭނުން ކުރުން މަނާކޮށްފައިވުމުން، އެ ގާނޫނާ ޚިލާފުވާ މީހުން ޖޫރިމަނާކުރާއިރު އެ މީހެއްގެ ފޯނަށް ފޮނުވާ މެސެޖެއްގެ ޒަރިއްޔާއިން އެ މައުލޫމާތު ހިއްސާކުރާނެއެވެ.

އެ މެސެޖުގައި، ޖޫރިމަނާ ދެއްކުމަށް ވާރު ޕޭގެ ޕޭމަންޓް ލިންކެއް ހިމެނިފައި ވާނެ ކަމަށް ވެސް ފުލުހުން ބުންޏެވެ.