1ހަޑިހުރު ބަސް ބޭނުންކޮށްގެން ބިރުވެރިކަން އުފެދޭ ގޮތަށް އެކްސްގައި ޕޯސްޓެއް ކަމަށް ކުރި ކަމަށް ބުނެ، "ޗާލީ ތުއްތު" ކިޔާ އެކައުންޓަކުން "އެކްސް"ގައި ޕޯސްޓު ކުރީ އޭނާ ކަމަށް އެމްޑީޕީ ސޯޝަލް މީޑިއާ އެކްޓިވިސްޓު ހުސައިން ޝާފިއު އެއްބަސްވެއްޖެއެވެ.
މިދިޔަ މަހުގެ އަށް ވަނަ ދުވަހު ކުރި ޕޯސްޓާ ގުޅިގެން ޝާފިއުގެ މައްޗަށް ތިން ތުހުމަތެއްކޮށް، "ސާޖަންޓު އާދަމް ހަލީމް ކްރިމިނަލް އިންވެސްޓިގޭޝަން ބިލްޑިން"އަށް މިއަދު ހާޒިރުކުރުމުން، ޝާފިއު ވަނީ 10 ޖުލްލައިގެ ކުރު ބަޔާނެއް ދީފައެވެ.
އެ ބަޔާނުގައި އޭނާ ބުނެފައި ވަނީ އެކްސްގައި ކުރި ޕޯސްޓުގައި "ކައްޒާބު" ނިސްބަތް ކުރީ ވަކި މީހަކަށް ނޫން ކަމަށާއި ކައްޒާބަކީ ވަކި މީހެއް ކަމަށް ނިސްބަތްކުރީ ވެސް ފުލުހުންގެ އިދާރާއިން ކަމަށެވެ. އަދި ބުނީ ޗާލީތުއްތުއަކީ އެކްސްގައި އޭނާ ބޭނުންކުރަމުންދާ ހޭންޑްލެއް ކަމަށާއި އޭނާގެ އެ ޕޯސްޓުގައި ހަޑިހުރު ބަސް ބޭނުންކޮށްފައިނުވާނެ ކަމަށެވެ.
"އަދި އިންޒާރެއް ވެސް ދީފައެއް ނުވާނެއެވެ. އެ ޕޯސްޓްގެ ސަބަބުން މީހެއްގެ ހިތުގައި ބިރުވެރިކަން އުފެދުނުނަމަ، އެ މީހަކަށް އަވަސް ޝިފާއެއް ދެއްވުން އެދި އަޅުގަނޑު ދުއާކުރަމެވެ. މީހެއްގެ ހިތުގައި ބިރުވެރިކަމެއް އުފެދިދާނެފަދަ އެއްވެސް ވާހަކައެއް އެ ޕޯސްޓަކު ނޯންނާނެއެވެ،" ޝާފިއުގެ ބަޔާނުއިވެއެވެ.
"ޗާރލީތުއްތުއަކި އެކްސްގައި އަޅުގަނޑު ބޭނުންކުރަމުންދާ ގެންދާ ހޭންޑްލްއެވެ. މީގެ އިތުރަށް އަޅުގަނޑު ދައްކާނެ އިތުރު ވާހަކައެއް ނެތެވެ. މިހިސާބުން ހަނު ހުންނަމެވެ."
ޝާފިއުގެ މައްޗަށް ކުރާ ތުހުމަތު:
- އަނިޔާއެއް ދީފާނެކަމުގެ ބިރު ދެއްކުމުގެ ތުހުމަތު
- މީހެއްގެ ހަށިގަނޑަށް ބޮޑު އަނިޔާއެއް ލިބިދާނެ ބިރެއް ކުރިމަތިކުރުމުގެ ކުށް
- ހަޑިހުތުރު އެއްޗެއްކަން އެނގިހުރެ، ހަޑިހުރުތު އެއްޗެއް ހިމެނޭ ވަސީލަތެއް ޝާއިއުކުރުމާއި އާންމުކޮށް ހުޅުވާލައިގެން ދެއްކުން ނުވަތަ އެއްޗެއް ފޯރުކޮށްދިނުން
ޝާފިއުގެ މައްޗަށް ތަހުގީގު ހިންގި ޕޯސްޓުގައި އޭނާ ބުނެފައި ވަނީ "ކައްޒާބަށް ބޭލޭނީ **. މިރޭ މި ގަތީ 270 އަށް ފޮއްޓެއް. މަށަށް ކަލޭ މަގެއް މަތިން ނުފެންނާތި!،" މިހެންނެވެ.
ޝާފިއުއަކީ އެމްޑީޕީގެ ހަރަކާތްތައް ސޯޝަލް މީޑިއާގައި އާންމުކޮށް، ސަރުކާރާ ދެކޮޅަށް އަޑުއުފުލަމުންދާ އެކްޓިވިސްޓެކެވެ. އޭނާއަކީ އެމްޑީޕީ ގައުމީ މަޖިލީހުގެ ހޯރަފުށީ ދާއިރާގެ ނައިބު ރައީސްއެވެ.
ހިމަންދޫގައި ލޯންޗެއް އަނދައި، ކެޕްޓަނަށް އަނިޔާތަކެއް 
ތިލަމާލޭ ބްރިޖުގެ އެންމެ އުސް ތަނބު ބަހައްޓައިފި 
ރޯވި ބޯޓު އަޑިއަށް، ގެއްލުނު ފަޅުވެރިޔާ ހޯދަނީ 
މެންބަރުންގެ މުސާރަ ކުޑަކުރަންވީ އައު ދައުރަކާއެކު: ފަލާހް 
ޒުވާން ޖީލު ދުންފަތާ ދުރުކުރުމަށް ރައީސްގެ ތިން ހުށަހެޅުއްވުމެއް 
އޯޓިޒަމް ކުދީންނަށް ލޯބިދިނުމަކީ ގައުމީ ވާޖިބެއް: ރައީސް 
ވަކިވަރަކަށް، ރުޅިގަދަވެއްޖެނަމަ، ކިޔޭނުކިޔޭ އެއްޗެއް، ނެއެނގޭ ހިސާބަށް ދިއުމަކީ އެކަށީގެންވާކަމެކެވެ!މިސާލަކަށް ވަޒީފާ އަދާކުރާތާ،ތިރީސް ވަރަކަށް އަހަރުވެފައި ރިޓެޔާވާން ހަމަސް ދުވަހަށް ވެފައި،ވަނިކޮއް،އިއްޔެ،އިއުލާން އެކުރީ ރިޓެޔާވުމުން މަހުންމަހަށް ދޭ އެލަވަންސު ކުއްލިގޮތަކަށް ކަނޑާލާ ވަހަކަ، އެއީ ގާތްގަޑަކަށް ސާޅީސް ވަރަކަށް ހާސް ރިފިޔާ، ވީއިރު،މަސައްކަތްތެރި،ފަގީރު މީހާ ޝޮކް ނުޖެހޭނެތޯ؟ އެއްވެސް ސަރުކާރަކުން ޕެންޝަން ފައިސާއާއި،ނުބެހޭ،މުޢިއްޒުއަށް އޮތީ ކޮންހައްގެއްތޯ؟އެފައިސާ ކަޑާގަތުމަށް!
ރާއީ