ކެފޭއެއްގައި އިންދާ މެޔަށް ތައްދެއް އަރައިގެން، ފަރުވާ ދެމުންދަނިކޮށް މީހަކު ނިޔާވެއްޖެ

އާޓްފިޝަލް ބީޗުގައި ހުރި ކެފޭއެއްގައި އިން މީހަކު މެޔައަށް ތަދެއް އަރައިގެން ފަރުވާދެމުންދަނިކޮށް މިއަދު ނިޔާވެއްޖެއެވެ.

ނިޔާވެފައި ވަނީ އައްޑޫ ސިޓީ، ހިތަދޫ، ސޯސަންގެ އަހުމަދު ޝަރީފް، 53އ،އެވެ.

ފުލުހުން ބުނީ މިއަދު ހެނދުނު 8:56 އެހާކަންހާއިރު އާޓްފިޝަލް ބީޗު ކެފޭއެއްގައި ހުއްޓާ މެޔަށް ތަދެއް އެރި މީހަކަށް ފުލުހުން އެޓެންޑުވެ، އޭޑީކޭ ހޮސްޕިޓަލަށް ގެންގޮސްފައިވާ ކަމަށެވެ.

އޭޑީކޭ ހޮސްޕިޓަލުގައި ފަރުވާދެމުންދަނިކޮށް، ހެނދުނު 10:03 އެހާކަންހާއިރު އެ މީހާ ނިޔާވެފައިވާ ކަމަށް ހޮސްޕިޓަލުން މައުލޫމާތު ދީފައިވާ ކަމަށެވެ.

ނޯޓް: މި ހަބަރު އެންމެ ފުރަތަމަ ގެނެސްދީފައި އެ މީހާ މަގުމައްޗަށް ވެއްޓުނު ކަމަށް ބުނެއެވެ. އެގޮތަށް ހަބަރު ގެނެސްދެވުނީ ފުލުހުން ދިން މައުލޫމާތެއްގެ މައްޗަށް ބިނާކޮށެވެ. ފަހުން ފުލުހުން ވަނީ އެކަން ވަނީ އިސްލާހުކޮށްފައެވެ.