އެންޓި ކޮރަޕްޝަން ކޮމިޝަން (އޭސީސީ)ގެ ނާއިބު ރައީސް އަބްދުލް ސަލާމާއި އެ ކޮމިޝަނުގެ މެންބަރު ތޯހާ މުހައްމަދު މަގާމުން ވަކި ކުރެއްވުމަށް ނިންމާފައި ވަނިކޮށް، އެ ދެ ބޭފުޅުން މަގާމުން އިސްތިއުފާ ދެއްވައިފިއެވެ.
އިއްޔެ ބޭއްވި މިނިވަން މުއައްސަސާތަކާއި ބެހޭ ކޮމެޓީގެ ބައްދަލުވުމުގައި މި ދެ ބޭފުޅުން ވަކި ކުރުމަށް ވަނީ ނިންމައިފައެވެ. އަދި މިއަދުގެ މަޖިލިސް ޖަލްސާގެ ވޯޓު ގަޑީގައި އެ ދެބޭފުޅުން ވަކި ކުރުމަށް ވޯޓަށް އަހާނެއެވެ. ނަމަވެސް އެ ދެ ބޭފުޅުން މަގާމުން އިސްތިއުފާ ދެއްވާފައިވާ ކަމުގެ ސިޓީ ރައީސް އޮފީހަށް ލިބިފައިވާކަން މަޖިލީހަށް ރައީސް އޮފީހުން ވަނީ އަންގައިފައެވެ.
އެހެންކަމުން ސަލާމާއި ތޯހާ މަގާމުން ވަކި ކުރުމަށް ނަގާ ވޯޓު ނުނަގާނެކަން މަޖިލީހުގެ ރައީސް އަބްދުއްރަހީމް ވަނީ މިއަދުގެ ޖަލްސާގައި އިއުލާން ކުރައްވައިފައެވެ.
އޭސީސީގެ ނައިބު ރައީސް ކަމުގެ މަގާމުން އިސްތިއުފާ ދެއްވި ސަލާމަށް އެންމެ ބޮޑަށް ކުރައްވާ ތުހުމަތަކީ މާލޭ މީހުންނަށް ގޯތި ދިނުމަށް ކުރިއަށް ގެންދިޔަ ބިންވެރިޔާ ސްކީމްއާ ގުޅޭ މައްސަލަތައް އޭސީސީން ތަހުގީގުކުރުން ހުއްޓުވިކަމުގެ ތުހުމަތެވެ.
ސިނަމާލެއިން ތިލަމާލެއަށް: ބިޔަ އިންޖިނިއަރިންގެ އިންގިލާބެއް 
އިންޑިއާގެ ކޮންސިއުލޭޓު އޮފީހެއް އައްޑޫގައި ގާއިމްކުރަނީ 
އިންޑިއާއާއެކު އޮތް ގުޅުން އިތުރަށް ބަދަހި ކުރާނަން: ރައީސް 
ކައުންސިލްތަކުގެ އަތުން ބިން ނަގާ އިސްލާހާ ދެކޮޅަށް ސޮއި ހަމަވެއްޖެ 
ކާރިސާތަކުގައި އެހީވުމަށް އިންޑިއާއިން ދައްކުވައިދޭ ނަމޫނާ! 
ދޯނި އަޑިއަށް ދިޔަ ފުންމިނުގައި އަސްކަރީ ސަބްމެރިންވެސް ދަތުރުނުކުރާނެ 
