އިޒްރޭލްގެ ޕާސްޕޯޓު މަނާކުރުމުގެ މަސައްކަތް އަވަސްކުރަން މަޖިލީހުގެ ސަލާމަތީ ހިދުމަތްތަކާ ބެހޭ (241) ކޮމިޓީން ނިންމައިފިއެވެ.
މި ބިލަކީ ގަލޮޅު އުތުރު ދާއިރާގެ މެންބަރު މީކާއިލް އަހްމަދު ނަސީމް މަޖިލީހަށް ހުށަހެޅި ބިލެކެވެ. ބިލު ދިރާސާ ކުރުމަށް ނިންމާ ކޮމެޓީ އަށް ފޮނުވީ މިދިޔަ މެއި މަހުގެ 29ވަނަ ދުވަހުއެވެ.
ކުރިން ބިލުގެ މަސައްކަތް ނިންމަން ތާވަލުކޮށްފައިވާ ސުންގަޑި އަކީ އަންނަ އަހަރުގެ ފެބްރުއަރީ މަހެވެ. އަދި ބިލާއި ގުޅިގެން ކަމާބެހޭ އިދާރާތަކުގެ ހިޔާލާއި މަޝްވަރާ ކުރުމަށް އަންނަ މަހުގެ ނިޔަލަށް ސިޓީ ފޮނުވަން ވެސް ނިންމިއެވެ. އެގޮތަށް ނިންމާފައި ވަނީ މިދިޔަ ބުރާސްފަތި ދުވަހުއެވެ.
ނަމަވެސް މިއަދު ބޭއްވި 241 ކޮމެޓީގެ ބައްދަލުވުމުގައި ކޮމެޓީގެ މުގައްރިރު އޭދަފުށީ ދާއިރާގެ މެންބަރު އަހްމަދު ސަލީމް ވަނީ ބިލުގެ މަސައްކަތް އަވަސް ކުރުމަށް އިދާރީ ބައެއް ބަދަލުތައް ގެންނަން ޖެހޭ ކަމަށް ވިދާޅުވެފައެވެ.
އެހެންކަމުން ކުރިން ނިންމާފައިވާ ނިންމުން ބަދަލުކޮށް ކަމާ ގުޅުންހުރި ފަރާތްތައް މާދަމާ އިން ފެށިގެން ކޮމެޓީއަށް ހާޒިރު ކުރުމަށް ނިންމިއެވެ.
އިޒްރޭލު ޕާސްޕޯޓުގެ މަސައްކަތް އަވަސް ކުރުމަށް ގޮވާލާ އިދިކޮޅު އެމްޑީޕީގެ ފަރާތުން އެންމެ ފަހުން ބޭއްވި މަޖިލިސް ޖަލްސާ އަށް ގަރާރެއް ހުށަހެޅިއެވެ. ނަމަވެސް އެ ގަރާރު މަޖިލީހުން ބޭރު ކޮށްލިއެވެ. މިއާއެކު ގިނަ ބައެއްގެ ފާޑު ކިޔުންތައް ސަރުކާރާއި ޕީއެންސީ އަށް ވަނީ އަމާޒުވެފައެވެ.
އިންޑިއާ އިން ރާއްޖެއަށް 1200 ގަސް ހަދިޔާކޮށްފި
ރަސްމާލެ މަޝްރޫއު: ރައްޔިތުންގެ ފެންނަ ނުފެންނަ ވޯޓެއް ނުނަގާނެ
ސުޕްރީމް ކޯޓުގެ ފަނޑިޔާރު ކަމަށް ސަމީރު އަދި ރައޫފް ކުރިމަތިލައްވައިފި
ބަޖެޓު 27: އަންނަ އަހަރު އެންމެ ބޮޑު އެހީ ދޭ ގައުމަކީ އިންޑިއާ
ބޯކޮށް ވާރޭ ވެހޭނެ ކަމަށް ލަފާކޮށް ހަ އަތޮޅަކަށް ޔެލޯ އެލާޓު ނެރެފި
ޅައިމަގަށް ނަގޫ ރޯޅިއެއް އަރާ މީހަކަށް އަނިޔާވެއްޖެ