1އަވަސް އަރުވާލައިގެން ގާނޫނުއަސާސީ އިސްލާހު ކުރުމާ ދެކޮޅަށް މަޖިލިސް ދޮށުގައި އެމްޑީޕީން މުޒާހަރާ ކުރަން ފަށައިފިއެވެ.
ޕޯސްޓަރުތައް ހިފައިގެން ތިބެ، އެމްޑީޕީގެ އެކްޓިވިސްޓުންނާއި އެ ޕާޓީގެ ގައުމީ މަޖިލީހުގެ މެމްބަރުން ގެންދަނީ މަޖިލިސް ދޮށުގައި މިއަދު މެންދުރު 1 ޖެހިއިރުން ފެށިގެން މުޒާހަރާ ކުރަން ފަށާފައެވެ. މުޒާހަރާގެ ބައިވެރިން ގޮވާލަމުންދަނީ އަވަސް އަރުވާލައިގެން ގާނޫނުއަސާސީ އިސްލާހުކޮށްގެން ނުވާނެ ކަމަށާއި ގާނޫނުއަސާސީ އިސްލާހު ކުރަންވާނީ، ގިނަ ބައެއްގެ ހިޔާލާއި މަޝްވަރާ ހޯދައިގެން ކަމަށެވެ.
އެމްޑީޕީ މުޒާހަރާ ކުރަމުންދާއިރު، އެތަނުގައި ސަރުކާރަށް ތާއިދު ކުރާ ސަޕޯޓަރުން ވެސް ދަނީ މުޒަހަރާ ކުރަމުންނެވެ.
މަޖިލިސް ދޮށުގައި މުޒާހަރާ ކުރަމުންދާއިރު، މަޖިލީހަށް ހުށަހަޅާފައިވާ ގާނޫނުއަސާސީ އިސްލާހު ކުރުމުގެ ބިލުގެ މަސައްކަތް މުޅި މަޖިލީހުގެ ކޮމެޓީން ގެންދަނީ ދިރާސާކުރަމުންނެވެ. މަޖިލީހުގެ ހުރިހާ މެމްބަރުން ހިމެނިވަޑައިގަންނަވާ އެ ކޮމެޓީގެ މުގައްރިރަކީ މަޖިލީހުގެ ރައީސް އަބްދުއްރަހީމެވެ. ރިޔާސަތުގައި އަބްދުއްރަހީމް އިންނަވައިގެން އެ ބިލު ދިރާސާ ކުރުމުގެ މަސައްކަތް ކުރަމުންދާއިރު، އެމްޑީޕީން ވަނީ އެ ބިލާ ގުޅޭ ގޮތުން، ސިޔާސީ ޕާޓީތަކުގެ ހިޔާލު ހޯދުމަށް އެ ޕާޓީތައް މަޖިލީހަށް ހާޒިރުކުރުމަށް ހުށަހަޅާފައެވެ.
(ތަފްސީލު އަންނަނީ...)
ގޮނޑި ގެއްލޭ އިސްލާހަކީ ގައުމުގެ ހަމަޖެހުމަށް މުހިއްމު ކަމެއް: ރައީސް 
ނުރަސްމީ ދަތުރުފުޅެއްގައި ރައީސްގެ ދެކަނބަމުން އިނގިރޭސިވިލާތަށް 
ހާރިސް މަރާލި މައްސަލާގެ ދައުވާލިބޭ މީހާ ބަންދުކުރަން ދެކޮޅު 
މެންބަރުންގެ ގޮނޑި ގެއްލޭ އިސްލާހު ތަސްދީގުކޮށްފި 
ގޮނޑި ގެއްލޭ އިސްލާހު: ސިޔާމާއި ގާސިމް ޖަލްސާގައި ބައިވެރިއެއްނުވޭ 
ޕާޓީ ބަދަލުކޮށްފި ނަމަ ގޮނޑި ގެއްލޭ ގޮތަށް ގާނޫނުއަސާސީ އިސްލާހުކޮށްފި 
ބަލަގަ ތި އެމް.ޑީ.ޕީން ކަންކަންފާސްކޮށް ފައިސާޗާޕްކޮށް މުޅިރާއްޖޭގެ ރައްޔިތުންގެ ބޮލުގަ ދަރަނިއެޅުވިއިރު ކާކުގެޚިޔާލެއްތޯހޯދީ؟ އުޅޭވައްތަރެއް.
ސ.