އިދިކޮޅު، އެމްޑީޕީން އާޓްފިޝަލް ބީޗުގައި ބޭއްވި ޖަލްސާގައި ބައިވެރިވި މީހުންގެ ދެބައިކުޅަ އެއްބަޔަކީ ބޭރު މީހުން ކަމަށް މަޖިލީހުގެ މެޖޯރިޓީ ލީޑަރު، އަދި ޕީއެންސީގެ ޕާލަމެންޓްރީ ގްރޫޕުގެ ލީޑަރު އިބްރާހިމް ފަލާހް ވިދާޅުވެއްޖެއެވެ.
އަންނަ އަހަރަށް ލަފާކޮށް، ރައްޔިތުންގެ މަޖިލީހަށް ސަރުކާރުން ހުށަހަޅާފައިވާ ބަޖެޓް ބަހުސްގައި ވާހަކަ ދައްކަވަމުން ފަލާހު މިއަދު ވިދާޅުވީ އެ ޖަލްސާގައި ބައިވެރިވީ 300 މީހުން ކަމަށާއި އެ ޖަލްސާގައި ބައިވެރިވި ދެބައިކުޅަ އެއްބައި މީހުންނަކީ ދިވެހިން ނޫން ކަމަށެވެ.
ފަލާހު އެހެން ވިދާޅުވުމުން ނިޒާމީ މައްސަލައެއް ނަންގަވައި، ގަލޮޅު ދެކުނު ދާއިރާގެ މެމްބަރު މީކާއިލް އަހުމަދު ނަސީމް ވިދާޅުވީ އެ ބުނާ ޖަލްސާއަކީ އޭނާ ވެސް ބައިވެރިވެވަޑައިގެންނެވި ޖަލްސާއެއް ކަމަށާއި އެ ޖަލްސާގެ ދެބައިކުޅަ އެއްބައި މީހުންނަކީ ބިދޭސީންކަމަށް ވިދާޅުވުމަކީ ކަނޑައެޅިގެން ދޮގެއް ކަމަށެވެ.
ގިނަ ދުވަސްތަކަކަށްފަހު، މިދިޔަ އަންގާރަ ދުވަހުގެ ރޭ އާޓްފިޝަލް ބީޗުގައި ބޭއްވި ޖަލްސާގައި ގިނަ ބަޔަކު ބައިވެރިވިއެވެ. އެ ޖަލްސާއަކީ މި ސަރުކާރަށް އަހަރެއް ފުރޭތީ، ސަރުކާރުން ވެފައިވާ ވައުދުތައް ނުފެއްދޭތީ، އެކަމުގެ ކަންބޮޑުވުންފާޅުކޮށް، ސަރުކާރު ޖަވާބުދާރީ ކުރުވުމަށް އެމްޑީޕީން ބޭއްވި ޖަލްސާއެވެ.
އެމްޑީޕީ ޖަލްސާގައި ފާހަގަ ކުރި ކަންކަން:
- ހިތިބޭސް ބޯންދޭނެ ކަމަށް ބުނެ، އާސަންދަ ހިދުމަތަށް ބަދަލު ގެނައުން
- ސަބްސިޑީތައް ކަނޑާލައި، ދޮށީ އުމުރުގެ މީހުންގެ އިނާޔަތަށް ބަދަލު ގެނައުން
- އާންދަނީ ދަށްވެ، ކަންމަތީ ފިހާރަތައް ބަންދުކުރަން މަޖުބޫރުވުން
- މަސްވެރިންގެ މަހުގެ އަގު ދަށްކޮށް، ކިރާ މަހަށް ފައިސާ ނުދީ ލަސްވުން
- ސަރުކާރުން ޓެކްސީ ޑްރައިވަރުން ރުޅިއެރުވުން
- އެމްޑީޕީން ބޯހިޔަވަހިކަން ކަށަވަރުކޮށްދިން މީހުންނަށް ދޮގުހަދައި އޮޅުވާލުން
- އާރްޓީއެލްގެ ހިދުމަތް ބަދަލުކޮށް، އަގު ބޮޑުކުރުން
- ޑޮލަރުގެ އަގު މަތިވެ، ޓެކްސްތައް ބޮޑުކުރާ ވާހަކަ
- ތަރައްގީގެ މަޝްރޫތައް ހުއްޓާލާފައިވާ ވާހަކަ
އިލެކްޝަންސް ކޮމިޝަން (އީސީ) ދަފްތަރުން ދައްކާ ގޮތުން ރާއްޖޭގައި އެންމެ މެމްބަރުން ގިނަ ޕާޓީއަކީ އަދިވެސް އެމްޑީޕީއެވެ. އެ ޕާޓީގައި 50،851 މީހުން ރަޖިސްޓްރީވެފައިވެއެވެ. ދެ ވަނައަށް އެންމެ މެމްބަރުން ގިނަ ޕާޓީއަކީ ޕީޕީއެމެވެ. ޕީޕީއެމްގައި 34،698 މީހުން ރަޖިސްޓްރީވެފައިވެއެވެ. އަދި ޕީއެންސީގައި 28،983 މީހުން އެބަ ތިއްބެވެ.
އަސްކަރީ ގުޅުން އިތުރު ކުރުމަށް ރާއްޖޭން ޕާކިސްތާނާއެކު މަޝްވަރާކޮށްފި 
ޑިމޮކްރަސީގެ "އިރު" އޮއްސިއްޖެ: ޝާހިދު 
ގޮނޑި ގެއްލޭ އިސްލާހަކީ ގައުމުގެ ހަމަޖެހުމަށް މުހިއްމު ކަމެއް: ރައީސް 
ނުރަސްމީ ދަތުރުފުޅެއްގައި ރައީސްގެ ދެކަނބަމުން އިނގިރޭސިވިލާތަށް 
ހާރިސް މަރާލި މައްސަލާގެ ދައުވާލިބޭ މީހާ ބަންދުކުރަން ދެކޮޅު 
މެންބަރުންގެ ގޮނޑި ގެއްލޭ އިސްލާހު ތަސްދީގުކޮށްފި 
