މިދިޔަ ބުރާސްފަތި ދުވަހުގެ ރޭ ހުޅުމާލޭ ހިޔާ ފްލެޓެއްގައި މީހަކު ރަހީނުކޮށްގެން އުޅުނު މައްސަލާގައި ހައްޔަރު ކުރި ގޭންގުގައި ހިމެނޭ 12 މީހުންގެ ވަނަވަރު، ފޮޓޯއާ އެކު ފުލުހުން މިއަދު އާންމުކޮށްފިއެވެ.

ހިޔާ ފްލެޓު އެޗް9 ގައި މީހަކު ރަހީނުކޮށް، ބޯ ކޮށާލައި، އޭނާގެ އިނގިލި ބުރިކޮށްލަން އުޅެނިކޮށް ފުލުހުން ވަނީ އެ މީހާ ސަލާމަތްކޮށްފައެވެ. އެތަނުގެ ދޮރު ވައްޓާލައިގެން ވަދެ، އެ މީހާ ރަހީނުކުރުމުގައި ބައިވެރިވި 12 މީހަކު ފުލުހުން ހައްޔަރުކުރިއެވެ.

ފުލުހުން މިއަދު ބުނީ އެ ގްރޫޕުގެ 12 މީހުންގެ ތެރެއިން، ތިން މީހަކު ފަސް ދުވަހަށް ބަންދުކޮށް، ނުވަ މީހަކު ހަތް ދުވަހަށް ބަންދުކުރަން ކްރިމިނަލް ކޯޓުން އަމުރުކޮށްފައިވާ ކަމަށެވެ.

ރަހީނު ކުރި މައްސަލާގައި ހައްޔަރު ކުރި މީހުން

  1. އަލްމާން އަލީ ހާލިދު، 22އ، ވެހި، ގދ. ވާދޫ
  2. މުހައްމަދު އިޒްކާން، 18އ، މ. ހަތިކަނޑު، މާލެ
  3. އިޒާން އަހުމަދު، 18އ، ޒުނައިޓްވިލާ، ކ. ގުރައިދޫ
  4. އަހުމަދު ޒާހިރު، 36އ، ދަންމަރު، ށ. ފޯކައިދޫ
  5. އާދަމް ޙުސައިން، 48އ، ޖަމީލާމަންޒިލް، ލ. މާވަށް
  6. އިބްރާހީމް ނަޝީދު، 342، ހިޔަލީގުލްޝަން، ލ. އިސްދޫ
  7. އަހުމަދު ސަލީހު، 22އ، ނައިޓްސްޓާރ، ބ. ގޮއިދޫ
  8. އިސްމާއީލް ވިސާމް މުހައްމަދު، 29އ، ވ. ގާމާ، ކ. މާލެ
  9. ވިޝާމް މުހައްމަދު 23އ، ޗިޗަންޑާގެ، ގދ. ވާދޫ
  10. ވިސާން މުހައްމަދު، 30އ، ހުޅުމާލެ. ހިޔާ 03-17-14، މާލެ
  11. މުޝްތާޤު ޝާކިރު، 37އ، ޖަނަވަރީގެ، ގދ. ވާދޫ
  12. ހަސަން ޣާލިބު، 38އ، އާރެސް، މ. ކޮޅުފުށި

ފުލުހުންގެ ތަފާސްހިސާތަކުން ދައްކާ ގޮތުން މިއަހަރުގެ ޖެނުއަރީން ފެށިގެން ވޭތުވެދިޔަ 10 މަހާއި އަށް ދުވަހުގެ ތެރޭގައި ވައްކަމުގެ 2،390 މައްސަލަ އާއި މާރާމާރީގެ 582 މައްސަލައިގެ އިތުރުން ވައްކަމުގެ 3،140 ވުރެ ގިނަ މައްސަލަ ފުލުހުންނަށް ހުށަހަޅާފައިވެއެވެ.