ހުޅުމާލޭގައި 12 މީހުންގެ ގޭންގަކުން މީހަކު ރަހީނުކޮށްފިއެވެ.

މިކަން ހިނގާފައި ވަނީ ހުޅުމާލެ ހިޔާ ފްލެޓު އެޗް9 ގައެވެ. ފުލުހުން މިހާރުވެސް އަންނަނީ އެތަނުގައި ހަރަކާތްތެރިވަމުންނެވެ.

ފުލުހުންނަށް ލިބުނު މައުލޫމާތާއި ގުޅިގެން ރަހީނު ކޮށްގެން އުޅޭ އެޕާޓުމަންޓަށް ފުލުހުން ވަނީ އެތަނުގެ ދޮރު ވައްޓާލައިގެން ކަމަށެވެ.

ފުލުހުންނަށް ވަދެވުނުއިރު ރަހީނު ކޮށްފައިވާ މީހާގެ އިސްތަށިގަނޑު ކޮށާލާފައިވާ ކަމަށާއި ފުލުހުންނަށް ވަދެވުނީ އެމީހާގެ އިނގިލި ބުރިކޮށްލަން އުޅެނިކޮށް ކަމަށް ފުލުހުން ބުންޏެވެ.

ހާދިސާ ހިނގި ތަނަކީ މަސްތުވާތަކެތި ބޭނުންކޮށް އެތަކެތީގެ ވިޔަފާރި ކުރާ ތަނެއްކަން ބެލެވޭ ކަމަށް ވެސް ފުލުހުން ބުންޏެވެ.