1ގާނޫނުއަސާސީއަށް މި ސަރުކާރުން ހުށަހަޅާ މުހިއްމު ފަސް އިސްލާހުގެ ތެރޭގައި މަޖިލިސް މެމްބަރުން މަގާމުން ވަކިކުރުމަށް "ރިކޯލް ވޯޓް" ނެގުން ހިމެނޭ ކަމަށް އެޓާނީ ޖެނަރަލް އަހުމަދު އުޝާމް ވިދާޅުވެއްޖެއެވެ.
ރައީސް އޮފީހުގައި މިއަދު ބޭއްވި ޕްރެސް ކޮންފަރެންސްގައި ވާހަކަ ދައްކަވަމުން އުޝާމް ވިދާޅުވީ ވެރިކަމުގެ ނިޒާމާއި ޖުޑިޝަރީއަށް ގެންނަން ފެންނަ ބަދަލުތަކެއް އެބަހުރި ކަމަށާއި އެކަން ކުރުމަށް ޝަރުއީ ދާއިރާގެ ބޭފުޅުންނާ މަޝްވަރާކުރައްވާނެ ކަމަށެވެ. ގާނޫނުއަސާސީއަށް ބައެއް ބަދަލުތައް ގެނައުމަށް ރައްޔިތުންގެ ފެންނަ ނުފެންނަ ވޯޓު ނަގަންޖެހޭ ކަމަށާއި އެކަން ކުރުމަށް ވަގުތު ބޭނުންވާ ކަމަށް އުޝާމް ވިދާޅުވިއެވެ.
އޭނާ ވިދާޅުވި ގޮތުން ގާނޫނުއަސާސީއަށް މި ސަރުކާރުން ހުށަހަޅާ އިސްލާހުތައް މަޖިލީހަށް ފޮނުވަން ފަށާނީ އަންނަ އަހަރުއެވެ.
ގާނޫނުއަސާސީއަށް މި ސަރުކާރުން ހުށަހަޅާ އިސްލާހުތައް
- ޖޭއެސްސީ ކޮންޕޮޒިޝަން ބަދަލުކުރުން
- ރާއްޖޭގެ ސަރަހައްދަށް ބަދަލު ނުގެނެވޭނެ ގޮތް ހެދުން
- ނޮވެންބަރު 11ގައި ރިޔާސީ ދައުރު ފެށަން ލާޒިމުކުރުން
- މަޖިލީހުގެ އަދަދު ހިފެހެއްޓުމަށް ބަދަލުގެނައުން
- މެމްބަރުންގެ ރިކޯލް ވޯޓު ނެގުން
އުޝާމް ވިދާޅުވީ ޝަރީއަތް ނިމެންދެން ބަންދަށް ޖަހާފައިވާ މީހުންނަށް ލުޔެއް ދިނުމަށް "ބެއިލް ސިސްޓަމް"، ނުވަތަ ކަފާލާތުގެ ދަށުން މީހުން ދޫކުރުމާ ގުޅޭ ގާނޫނެއް ގެނައުމުގެ މަސައްކަތް ކުރަމުންދާ ކަމަށެވެ.
ލަމްހާ ދޫކޮށްލި މައްސަލަ ބަލަންޖެހޭ ސަބަބެއް ނެތް: ހައި ކޯޓް 
އިސްލާމީ މަރުކަޒުގެ މަސްފެންގަނޑު މަރާމާތުކޮށް ނިންމާލައިފި 
އަސްކަރީ ގުޅުން އިތުރު ކުރުމަށް ރާއްޖޭން ޕާކިސްތާނާއެކު މަޝްވަރާކޮށްފި 
ޑިމޮކްރަސީގެ "އިރު" އޮއްސިއްޖެ: ޝާހިދު 
ގޮނޑި ގެއްލޭ އިސްލާހަކީ ގައުމުގެ ހަމަޖެހުމަށް މުހިއްމު ކަމެއް: ރައީސް 
ނުރަސްމީ ދަތުރުފުޅެއްގައި ރައީސްގެ ދެކަނބަމުން އިނގިރޭސިވިލާތަށް 
މިކަންކަމަކީ ވެއްޖިއްޔާރަނާހަމަކަންކަމެވެ ނުވެއްޖިއްޔާ ދެލޯފުރައިކަރުނައަޅަންޖެހޭނެފަދަކަންކަމެވެ
އިއްބެ