ވ. އަތޮޅު ރިސޯޓެއްގައި މޫދަށް އެރި އުޅުނު ފަތުރުވެރިޔަކު ގެނބިގެން މަރުވެއްޖެއެވެ.

ފުލުހުން ބުނީ ވ. އަތޮޅު ރިސޯޓެއްގައި މޫދަށް އެރި އުޅުނު ޓޫރިސްޓަކު ގެނބިގެން އުޅޭ ކަމަށް މިއަދު ހެނދުނު 11:29 ހާއިރު ރިޕޯޓުކޮށްފައިވާ ކަމަށެވެ. ގެނބިގެން މަރުވެފައި ވަނީ ބެލަރޫސް އަށް ނިސްބަތްވާ އުމުރުން 63 އަހަރުގެ އަންހެނެކެވެ.

އެމީހާ ވަނީ ފެލިދޫ ހޮސްޕިޓަލަށް ގެންދިޔައިރު ވެސް އެމީހާ މަރުވެފައި ކަމަށް ހޮސްޕިޓަލާއި ހަވާލާދީ ފުލުހުން ބުންޏެވެ.

ދާދިފަހުން ކ. މާފުށީގައި ޗުއްޓީ ހޭދަ ކުރަމުން ދިޔަ ޗައިނާގެ ފަތުރުވެރިޔަކު ސްނޯކްލިން އަށް ގޮސް އުޅެނިކޮށް ވެސް ވަނީ މަރުވެފައެވެ.