ރާއްޖޭގެ ބޮޑު ސަރަހައްދަކަށް މިއަދު އުދަ އަރާފާނެ ކަމަށް މޫސުމާ ބެހޭ ގައުމީ އިދާރާ (މެޓް) އިން ލަފާކޮށްފިއެވެ.

މެޓުން މިއަދު ވަނީ އުދަ އަރާނެ ކަމަށް ލަފާކޮށް 14 އަތޮޅަކަށް ވައިޓް އެލާޓު ނެރެފައެވެ. އެއީ ކ. އަތޮޅުން ފެށިގެން ރާއްޖޭގެ އެންމެ ދެކުނުން އައްޑޫ ސިޓީއާ ހަމައަށެވެ.

މެޓުން އެލާޓު ނެރެފައި ވަނީ ހެނދުނު 11:30 އިން ފެށިގެން 15:30 ގެ ނިޔަލަށެވެ.

އިއްޔެ ވެސް ރާއްޖޭގެ ބައެއް ސަރަހައްދުތަކަށް އުދަ އެރިއެވެ. ނަމަވެސް އޭގެ ސަބަބުން މާބޮޑު ގެއްލުމެއް އެއްވެސް ރަށަކަށް ނުވެއެވެ.