މާލީ އެޑްވައިޒަރުގެ މަގާމުގައި ހުންނެވި ކުރީގެ ގަވަރުނަރު އަހްމަދު ނަސީރު ފޮރިން މިނިސްޓްރީގެ އެމްބެސެޑާ އެޓް ލާޖުގެ މަގާމަށް ބަދަލުކުރެއްވުމަށްފަހު އަނެއްކާވެސް މާލީ އެޑްވައިޒަރުގެ މަގާމަށް ބަދަލުކޮށްފިއެވެ.
މާލީ އެޑްވައިޒަރުގެ މަގާމަށް ނަސީރު އައްޔަން ކުރެއްވީ މިދިޔަ އަހަރުގެ ޑިސެމްބަރު މަހުގެ 12ވަނަ ދުވަހުއެވެ. އޭނާއާއެކު ހަމަ އެ މަގާމަށް އަހްމަދު މުނައްވަރު ވެސް އައްޔަން ކުރެއްވިއެވެ. ނަމަވެސް ފަހުން އޭނާ ވަނީ މަރުކަޒީ ބޭންކް އެމްއެމްއޭގެ ގަވަރުނަރުގެ މަގާމަށް އައްޔަން ކުރައްވައިފައެވެ.
މާލީ އެޑްވައިޒަރުގެ މަގާމުގައި ނަސީރު ހުންނަވަނިކޮށް ފޮރިން މިނިސްޓްރީ އަށް އޭނާ ބަދަލުކުރެއްވީ މިދިޔަ އޭޕްރީލް މަސް ތެރޭގައެވެ. ނަމަވެސް ފިނޭންސް މިނިސްޓްރީގެ ވެބްސައިޓުގައިވާ ގޮތުގައި ނަސީރު އަނެއްކާވެސް ހުންނެވީ އެ މިނިސްޓްރީގެ އެޑްވައިޒަރުގެ މަގާމުގައެވެ.
މިނިސްޓަރު ފެންވަރުގައި އެޑްވައިޒަރުގެ މަގާމަށް އައްޔަން ކުރައްވާފައިވާ ނަސީރު އަލުން ފިނޭންސަށް ބަދަލުކުރައްވާފައި މިވަނީ ފޮރިން މިނިސްޓަރަކަށް ހުންނެވި މޫސާ ޒަމީރު ފިނޭންސް މިނިސްޓަރުގެ މަގާމަށް އައްޔަން ކުރެއްވިތާ ކައިރީގައެވެ. ޒަމީރު ފިނޭންސަށް އައްޔަން ކުރެއްވީ މިދިޔަ މަހުގެ 30ވަނަ ދުވަހުއެވެ.
ފަވަރައާ ޔޫޕީއައި ގުޅާލުމުން ދެގައުމަށްވެސް ލުއިތައް ލިބޭނެ 
މާލެ އަދި ހުޅުމާލޭގައި މާރާމާރީ ހިންގަން އުޅުނު ބަޔަކު ހައްޔަރުކޮށްފި 
އިންޑިއާއިން ރާއްޖެއަށް ބޭރުކުރާ ތެލުން ޓެކްސް ކަނޑާލައިފި! 
ސަރުކާރުން ބޮޑުކުރި ސިނގިރޭޓުގެ އަގު ހެޔޮކޮށްފި 
އުރީދޫގެ ހިދުމަތްތަކަށް ބުރޫ އަރައިފި 
ކުރީގެ ރައީސުން މުޒާހަރާ ކުރަން ނިކުންނައިރު ސެކިއުރިޓީ ކަނޑާލަނީ 
