އއ. އަތޮޅަށް ދަތުރުކުރާ ލޯންޗުތަކެއް ނުރައްކާތެރިކޮށް ދުއްވާ ވީޑިއޯ އާންމުވެ، އާންމުން ކަންބޮޑުވުން ސޯޝަލް މީޑިއާގައި ފާޑުކުރަމުންދަނިކޮށް، އެ ލޯންޗުތައް ދުއްވި ތިން ކެޕްޓަނުންގެ ލައިސަންސް ވަގުތީ ގޮތުން ފުލުހުން ހިފަހައްޓައިފިއެވެ.
ފުލުހުން ބުނީ އެ ތިން ކެޕްޓަނުންގެ ލައިސަންސް މިދިޔަ ހޮނިހިރު ދުވަހު ހިފަހައްޓާފައިވާ ކަމަށެވެ.
އާންމުވެފައިވާ ވީޑިއޯއިން ފެންނަނީ ރަށެއްގެ ބަނދަރަށް ވަނުމަށް ތިން ލޯންޗެއް ވާދަވެރިކޮށް، ބާރު ސްޕީޑުގައި ދުއްވާ މަންޒަރެވެ. އަދި ލޯންޗުތައް ނެރުން ވަދެގެން އަންނަ އިރުވެސް ދުއްވާފައި ދަނީ ބާރު ސްޕީޑުގައެވެ. ފުލުހުން ބުނީ އެއީ މިދިޔަ އޮގަސްޓު މަހުގެ 13 ވަނަ ދުވަހު ހިނގާފައިވާ ކަމެއް ކަމަށެވެ.
ފުލުހުން މިއަދު ބުނީ އެ މައްސަލައާ ގުޅޭ ލިޔެކިޔުންތައް ޓްރާންސްޕޯޓް މިނިސްޓްރީއަށް ފޮނުވުމުގެ މަސައްކަތް ކުރަމުންދާ ކަމަށާއި ލޯންޗުތައް ދުއްވި ކެޕްޓަނުންނާމެދު ދާއިމީ ފިޔަވަޅެއް ނިންމާނީ މިނިސްޓްރީން ކަމަށް ފުލުހުން ބުންޏެވެ.
ސްޓެލްކޯއިން ޕީއެންސީއަށް މީހުން ވައްދާކަން ފަޅާއަރައިފި 
އެމްޑީޕީން ހުށަހެޅި ހިރިމަރަދޫ މައްސަލަ އެޗްއާރްސީއެމް އިން ބަލަނީ 
ވަޒީފާ ދިނުމުގެ ކުރިން އެލްޖީއޭގެ ހުއްދަ ހޯދަން ލާޒިމުކޮށްފި 
މުޒާހަރާތަކާ ގުޅިގެން ހައްޔަރު ކުރި މައިމޫން ވިލިމާލެ ޖަލަށް 
ޑޮލަރުގެ ބަދަލުގައި ރުފިޔާ އިން މުސާރަ ދޭ ގޮތަށް ބަދަލު ގެންނަނީ 
ވިޒިޓް މޯލްޑިވްސް އެމްޑީގެ މަގާމުން ޝިއުރީ އިސްތިއުފާ ދީފި 
