ފުލުހުންނާއި ޕްރޮސިކިއުޓަރު ޖެނެރަލް (ޕީޖީ) ގުޅިގެން ކުރާ މަސައްކަތުން ޖިނާއީ އަދުލުގެ ނިޒާމަށް ކުރެވޭ އިތުބާރު ބޮޑުވެގެން ދާނެ ކަމަށް ދާދިފަހުން ޕީޖީގެ މަގާމަށް އައްޔަންކުރެއްވި އައްބާސް ޝަރީފް ވިދާޅުވެއްޖެއެވެ.
ޕީޖީ އައްބާސް މިއަދު ވަނީ ކޮމިޝަނަރު އޮފް ޕޮލިސްއާ ބައްދަލުކުރައްވައިފައެވެ.
އެ ބައްދަލުކުރެއްވުމުގައި ކޮމިޝަނަރު އޮފް ފޮލިސް ވަނީ އައު ޕްރޮސިކިއުޓަރު ޖެނެރަލަށް މަރުހަބާ ދަންނަވައި، ދެ މުއައްސަސާގެ ދެމެދުގައި އޮތް ގާތް ގުޅުން ދަމަހައްޓަވާނެކަމަށް ވިދާޅުވެފައެވެ.
އަދި ކުރިއަށް އޮތް ތަނުގައި އެ ގުޅުން އިތުރަށް ބަދަހިކޮށް، ހަރުދަނާ ކުރުމާ ގުޅޭގޮތުން ދެ ބޭފުޅުން މަޝްވަރާ ކުރެއްވިއެވެ.
ޖިނާއީ ތަހުގީގުތައް މިހާރަށްވުރެ އަވަސްކޮށް ކުރިއަށްގެންދިއުމަށް ޕްރޮސިކިއުޓަރު ޖެނެރަލްގެ އޮފީހުން ވެދެއްވެން އޮތް އެންމެ ފުޅާ ދާއިރާއެއްގައި އެހީތެރިކަން ދެއްވާނެ ކަމަށް ޕްރޮސިކިއުޓަރު ޖެނެރަލް ވިދާޅުވިއެވެ. އަދި މައްސަލަތަކުގެ ތަހުގީގު ނިމުމަށްފަހު، ދައުވާކުރުން މިހާރަށް ވުރެ އަވަސްކުރުމުގެ ތަސައްވުރު ގެންގުޅުއްވާ ކަމަށް ޕްރޮސިކިއުޓަރު ޖެނެރަލް ވިދާޅުވިއެވެ.
ދިވެހި ފުލުހުންގެ ހިދު ޕްރޮސިކިއުޓަރ ޖެނެރަލްގެ މަސައްކަތުގެ އެންމެ މުހިންމު ބައިވެރިޔާއެވެ.
އެގޮތުން އެ އޮފީހަށް ހުށަހެޅޭ މައްސަލަތަކުގެ 90 އިންސައްތައަށްވުރެ ގިނަ މައްސަލައަކީ ފުލުހުން ތަހުގީގުކޮށް ހުށަހަޅާ މައްސަލައެވެ.
ވިޔަފާރިވެރިންނަށް ފުރައްސާރަ ކުރުން ޑިމޮކްރެޓުން ކުށްވެރިކޮށްފި 
ނޫސްވެރިންގެ ކަންބޮޑުވުންތަކަށް ހައްލު ހޯދަން މަސައްކަތް ކުރާނަން 
އައިޓެކް ޕްރޮގްރާމުގައި ރައީސް އޮފީހާއި މަޖިލިސް އިދާރާގެ މުވައްޒަފުން 
އާ ސިޔާސީ ޕާޓީއެއް އުފެއްދުމުގެ ހުއްދަ ދީފި 
ރައްޔިތުންނަށް ފައިދާއެއް ވާން ނޭދޭ ސިޔާސީ ވެރިން ދާނީ ފެންނަމުން 
އުމުރުން 15 އަހަރުން ދަށުގެ ކުދިންގެ ފޯނުތައް ފުލުހުން ބެލުން މަނާ 
