އއ. ރަސްދޫގައި ރާއްޖޭން ބޭރުގެ ފަރާތްތަކެއް، ބަރަހަނާ ފިލްމު ކުޅުނު ކަމަށް ބުނާ މައްސަލައެއް ފެންމަތިވެއްޖެއެވެ.

ސޯޝަލް މީޑިއާގައި ބައެއް މީހުންގެ ފޮޓޯތައް އާއްމުވެފައި އެބަހުއްޓެވެ. އަދި އެމީހުން ތިބީ ރަސްދޫގައި ކަމަށާއި އެއީ ރަޝިޔާގެ ބައެއް ކަމަށް ވެސް ބުނެފައިވެއެވެ. ނަމަވެސް އެ ފިލްމުތައް ކުޅެފައި ވަނީ ކޮން ތާރީހެއްގައި ކަމެއް ނޭނގެއެވެ.

ފުލުހުން ބުނީ ރަސްދޫ ބީޗާއި މަގުތަކުގައި ކުޅެފައިވާ ބަރަހަނާ މަންޒަރުތަކެއް ހިމެނޭ ވީޑިއޯތަކެއް ދައުރުވަމުންދާ ކަމުގެ ޝަކުވާތަކެއް ލިބެމުންދާ ކަމަށެވެ. ނަމަވެސް، އެ މައްސަލައިގެ ރަސްމީ ރިޕޯޓެއް ފުލުހުންނަށް އަދި ލިބިފައި ނުވާ ކަމަށް ވެސް ފުލުހުން ވަނީ ފާހަގަކޮށްފައެވެ.