ކުރީގެ ސީއެޗްއެސްއީ އިމާރާތުގެ އާބާތުރަ ފިލުވުމަށްފަހު، އެ ސްކޫލު އަލުން ހުޅުވައިފިއެވެ.

އެޑިއުކޭޝަން މިނިސްޓަރު އިސްމާއީލް ޝަފީއު މިއަދު ވިދާޅުވީ ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ ނިންމެވުމާ އެއްގޮތަށް މިއަދު މިވަނީ މާލޭގައިި މަތީ ސާނަވީއަށް ކިޔަވައިދިނުމަށް ސަރުކާރުގެ ސްކޫލެއް އަލުން ގާއިމުކޮށް ކިޔައިދިނުމުގެ އިންތިޒާމު ހަމަޖެހިފައި ކަމަށެވެ.

"މި ސްކޫލު ވެގެންދާނީ ފުރަމާލޭގައިހުރި މަތީ ސާނަވީއަށް ކިޔަވައިދޭ އެންމެ ފެންވަރު ރަނގަޅު، ހިތްފަސޭހަ އަދި ދަރިވަރުންނަށް އުފާވެރި އުގެނުމުގެ މާހައުލު ތަނަވަސްވެފައިވާ ސްކޫލަށެވެ،" މިނިސްޓަރު ވިދާޅުވިއެވެ.

https://www.facebook.com/share/p/UMLqRj2H9NudHjZJ/?mibextid=WC7FNe

އެމަނިކުފާނު ވިދާޅުވީ އެ ބަދަލާއެކު، މަތީ ސާނަވީއަށް އުނގެނުމަށް، ފުރަމާލެ އާއި ހުޅުމާލެއާ ދެމެދު ދަތުރުކުރާ ދަރިވަރުންގެ އަދަދު މަދުވާނެ ކަމަށެވެ.

އަދި، ގާތުން ތައުލީމު ފޯރުކޮށްދިނުމުގެ ސިޔާސަތު ތަންފީޒު ކުރެވި، ދަރިވަރުންނާއި ބެލެނިވެރިންނަށް ނުހަނު ބޮޑު ފަސޭހައަކަށް ވެގެންދާނެ ކަމަށް ވެސް ފޭސްބުކްގައި އެމަނިކުފާނު ކުރެއްވި ޕޯސްޓެއްގައި ވިދާޅުވިއެވެ.