ލ. އަތޮޅުން މާލެ އަށް ފުރި ބޯޓެއްގެ ހަބަރެއް ނުވެގެން ހޯދަން ފަށައިފިއެވެ.

އެމްއެންޑީއެފްގެ މީޑިއާ އޮފިސަރު "ހަތާވީސް" އަށް ވިދާޅުވީ އެ ބޯޓު ފުރީ ރޭ ފަތިހު ކަމަށާއި އެ ބޯޓުގައި ފަޅުވެރިންގެ ގޮތުގައި ހަތް މީހުން ތިބި ކަމަށެވެ.

އެ ބޯޓުގައި ތިބީ ދެ ދިވެހިންނާއި ފަސް ބިދޭސީންނެވެ. އެއީ ބަންގްލަދޭޝް އަށް ނިސްބަތްވާ ފަސް މީހުންނެވެ.

އެމްއެންޑީއެފް އޮފިޝަލް ވިދާޅުވީ ގެއްލުނު ބޯޓު ހޯދުމުގެ މަސައްކަތް އެމްއެންޑީއެފް އިން ކުރަމުން އަންނަ ކަމަށެވެ.

ގެއްލިގެން ހޯދަމުން އަންނަނީ "އަކިރިސް" ނަމަކަށް ކިޔާ މުދާ އުފުލާ ބޯޓެކެވެ. އެބޯޓަކީ ލ. ގަމާއި މާލެއާ ދެމެދު ދަތުރު ކުރާ ބޯޓެކެވެ.