ރާއްޖޭގެ ސްކޫލެއްގައި ފުރަތަމަ ފަހަރަށް ތަރައްގީ ކުރާ ސްމާޓް ކްލާސް ރޫމްތައް މަޖީދިއްޔާ ސްކޫލުގައި ތަރައްގީ ކުރަން ސަރުކާރުން ނިންމައިފިއެވެ.
މިކަން އިއުލާން ކުރެއްވީ ރައީސް ޑރ. މުހައްމަދު މުއިއްޒެވެ. އެމަނިކުފާނު މިފަދައިން ވިދާޅުވީ މިރޭ އޮތް މަޖީދިއްޔާ ސްކޫލުގެ "ސައްތަވީ ބިނާ" އިފުތިތާހުކޮށްދެއްވުމުގެ ރަސްމިއްޔާތުގައި ވާހަކަފުޅު ދައްކަވަމުންނެވެ.
ރައީސް މުއިއްޒު ވިދާޅުވީ މިއަންނަ އަހަރު ކުރިއަށްގެންދިއުމަށް ނިންމާފައިވާ ސްކޫލް މަޝްރޫއުތަކުގެ ތެރޭގައި މަޖީދިއްޔާ ސްކޫލުގެ އިތުރު 40 ކްލާސް ރޫމްގެ އިމާރާތެއް ކުރިން ދަރުމަވަންތަ ސްކޫލް ހުރިތަނުގައި އެޅުމަށް ހަމަޖެހިފައިވާ ކަމަށެވެ.
އޭގެތެރެއިން ބައެއް ކްލާސްތައް ވާނީ ރާއްޖޭގައި ފުރަތަމަ ފަހަރަށް ގާއިމުކުރާ ސްމާޓް ކުލާސްތަކުގެ ގޮތުގައި ކަމަށް އެމަނިކުފާނު އިއުލާން ކުރެއްވިއެވެ.
ރައީސް މުއިއްޒުގެ ވާހަކަފުޅުގައި ވިދާޅުވީ މަޖީދިއްޔާ ސްކޫލުގެ އިސްދަރިވަރުންގެ ފަހުރެއްކަމުގައިވާ ދާރުލް އުލޫމާ ކުރިބޯށި އިމާރާތް ނެޝަނަލް އެޑިއުކޭޝަން މިއުޒިއަމެއްގެ ގޮތުގައި ތަރައްގީ ކުރުމަށްވެސް ނިންމާފައިވާ ކަމަށެވެ.
އަދި އެކަމުގެ ސަބަބުން ކުރިއަށް އޮތް ޖީލުތަކަށް ރާއްޖޭގޭ ތާރީހީ ތައުލީމީ ހަޔާތުގެ މައުލޫމާތު ފޯރުކޮށްދެވޭނެ ކަމުގައި އެމަނިކުފާނު ވިދާޅުވިއެވެ.
މި ސަރުކާރުން ދަނީ ޒުވާނުންގެ ހައްގުތައް ނިގުޅައިގަންނަމުން: ޝާހިދު 
އެޓޮމިކް އޭޖެންސީގައި ބައިވެރިވާން ފެންނަ ކަމަށް ކޮމެޓީން ފާސްކޮށްފި 
ހުޅުމާލެ ރަށު މާރުކޭޓުން 23 ބިދޭސީއަކު ހިފަހައްޓައިފި 
ޑުރަގުގެ ވަބާގައި ޖެހި ވަންނާނެ ތަނެއް ނެތް މީހުންނަށް ފަރުވާ ދެނީ 
މަންމައަށް އަނިޔާކުރި ކަމަށް ތުހުމަތު ކުރެވޭ ދަރިޔަކު ހައްޔަރުކޮށްފި 
އެގްރޯނެޓް ކުންފުނީގެ ބޭންކް އެކައުންޓްތައް ކޯޓުން ފްރީޒްކޮށްފި 
