ރާއްޖެ އަށް މިހާރު ދިމާވެފައިވާ ޑޮލަރުގެ ދަތިކަން ހައްލު ކުރުމަށްޓަކައި ބައެއް ގާނޫނުތަކަށް އިސްލާހު ގެނައުމަށް ނިންމާފައިވާ ކަމަށް ބަންޑާރަ ނާއިބު އަހްމަދު އުޝާމް ވިދާޅުވެއްޖެއެވެ.
ރައީސް އޮފީހުގައި މިއަދު މިހާރު ކުރިޔަށްދާ ނޫސްވެރިންގެ ބައްދަލުވުމެއްގައި ވާހަކަދައްކަވަމުން ބަންޑާރަ ނާއިބު އުޝާމް ވިދާޅުވީ މިއަދު ކުރިޔަށް ދިޔަ ކެބިނެޓު ބައްދަލުވުމުގައި ރާއްޖޭގެ ޑޮލަރުގެ ދަތިކަން ހައްލު ކުރުމަށް ގާނޫނުތަކަށް އިސްލާހު ގެނައުމަށް ނިންމާފައިވާ ކަމަށެވެ. އެގޮތުން ކުރިޔަށް އޮތް ދެތިން ހަފްތާގެ ތެރޭގައި އެ ގާނޫނުތަކަށް އިސްލާހު ގެންނާނެ ކަމަށް އުޝާމް ވިދާޅުވިއެވެ.
އުޝާމް ވަނީ އިސްލާހު ގެންނަން ނިންމާފައިވާ ބައެއް ގާނޫނުތައް ހިއްސާ ކުރައްވާފައެވެ. އޭގެތެރޭގައި ހިމެނީ ޕެންޝަން ގާނޫނާއި އިންކަމް ޓެކްސްއާ ބެހޭ ގާނޫނު ހިމެނެއެވެ.
އުޝާމް ވިދާޅުވީ އެ ގާނޫނުތަކުގެ އިތުރުން އިންލެންޑް ރެވެނިއު އޮތޯރިޓީ (މީރާ) އާއެކު މަސައްކަތްތަކެއް ކުރާނެ ކަމަށާއި އެ މަސައްކަތްތަކަށް ފަހު މީރާގެ ގަވާއިދުތަކަށް ނުވަތަ ގާނޫނުތަކަށް އިސްލާހު ގެންނަން ޖެހޭ ނަމަ އެކަން ވެސް ސަރުކާރުން ކުރާނެ ކަމަށެވެ.
ސަރުކާރުން ފަށާ ޓެކްސީ ލައިންގެ ކާރުތައް ރާއްޖެ ގެންނަން ފަށައިފި 
ހަނގުރާމައާ ގުޅޭ ވާހަކައެއް އެމެރިކާ މަންދޫބާއެކު ނުދައްކާނަން 
ބޯހިޔާވަހިކަން ލިބުމުން ސަރުކާރަށް ބިންކޮޅު ދޭން ނުޖެހޭ ގޮތް ހަދަނީ 
މަރުގެ އަދަބު ތަންފީޒު ކުރުމުގެ ބިލް މި ދައުރު މަޖިލީހަށް ހުށަހަޅާނެ 
ރައްޔިތުން މަޖިލީހުގެ ވަކި ޕަސެންޓެއް ޒުވާނުންނަށް ހާއްސަކުރަނީ 
ކުރީގެ މޭޔަރު އާދަމް މަނިކުގެ ތާއީދު ޖަލީލަށް 
