މިއަހަރުގެ ޖެނުއަރީ މަހުން ފެށިގެން ޖުލައި މަހުގެ ނިޔަލަށް ފެމެލީ ކޯޓަށް ގިނަ އަދަދެއްގެ ބިދޭސީންނާއި ދިވެހިން ކައިވެނި ކޮށްދީފިއެވެ.

ފެމެލީ ކޯޓުން އާއްމު ކޮށްފައިވާ ފުރަތަމަ ހަމަސް ދުވަހުގެ ތަފާސް ހިސާބުތައް ދައްކާ ގޮތުގައި ވޭތުވެދިޔަ ހަމަސް ދުވަހުގެ ތެރޭގައި 1،121 ކައިވެންޏެއް ކޮށްދީފައިވެއެވެ. މީގެތެރެއިން 85 ކައިވެންޏަކީ ބިދޭސީން ދިވެހިންނާއި ކޮށްފައިވާ ކައިވެންޏެވެ. ފެމެލީ ކޯޓުން ބުނީ ވޭތުވެދިޔަ ހަމަސް ދުވަހު 594 ވަރި ކޮށްދީފައިވާ ކަމަށެވެ.

ފެމެލޯ ކޯޓުން ބުނީ ވޭތުވެދިޔަ ހަމަސް ދުވަހު ރާއްޖެ އިން ބޭރުގައި ކޮށްފައިވާ 89 ކައިވެންޏެއް ރަޖިސްޓްރީ ކޮށްދީފައިވާ ކަމަށެވެ.

އެ ކޯޓަށް މިއަހަރުގެ ޖެނުއަރީ މަހުން ފެށިގެން ޖުލައި މަހުގެ ނިޔަލަށް 1،073 މައްސަލައެއް ވަނީ ހުށަހަޅައިފަ އެވެ. އޭގެ ތެރެއިން 1،065 މައްސަލައެއް ބަލައި ނިންމިއެވެ.