ހުޅުމާލޭގައި ހިންގަމުންދާ ބޯކޮށާ ތަންތަނަށް އަމާޒުކޮށްގެން އިއްޔެ ހިންގި އޮޕަރޭޝަނެއްގައި ހަތް ބިދޭސީއަކު މޯލްޑިވްސް އިމިގްރޭޝަންގެ ބެލުމުގެ ދަށަށް ގެނެސްފިއެވެ.

އިމިގްރޭޝަނުން ބުނީ އެ އޮޕަރޭޝަންގެ ރެއިޑުގައި ހަ ތަނެއް ބަލާ ފާސްކޮށްފައިވާ ކަމަށެވެ. ހަތް ބިދޭސީއަކު އިމިގްރޭޝަން ބެލުމުގެ ދަށަށް ގެނެސް، ހަތަރު ތަނެއް ބަންދުކޮށްފައިވާ ކަމަށް އިމިގްރޭޝަނުން ބުންޏެވެ.

އިމިގްރޭޝަނުން މިދިޔަ އަންގާރަ ދުވަހު ވަނީ ހުޅުމާލޭގައި ބިދޭސީން ހިންގަމުންދާ ކޮފީ/ޓޭކްއަވޭ ފިހާރަތައް ބަލައިފާސްކުރުމުގެ އޮޕަރޭޝަނެއް ކުރިއަށް ގެންގޮސްފައެވެ. އެގޮތުން އިއްޔެ ހަވީރު ހަތް ތަނެއް ބަލައި ފާސްކޮށް، ގަވާއިދާ ހިލާފަށް މަސައްކަތްކުރަމުންދިއަ ހަތަރު ބިދޭސީއެއް އިމިގްރޭޝަން ބެލުމުގެ ދަށަށް ގެނެސްފައިވެއެވެ.

ރާއްޖޭގައި ގަވާއިދާ ހިލާފަށް އުޅޭ 2،000 ވުރެ ގިނަ ބިދޭސީން ވަނީ ޑީޕޯޓްކޮށްފައެވެ. ފުލުހުންނާއި އިމިގްރޭޝަން ގުޅިގެން ހިންގާ އެ އޮޕަރޭޝަންގައި ގިނަ ބިދޭސީންތަކެއް މިހާރު ވެސް އިމިގްރޭޝަންގެ ބެލުމުގައި ދަށުގައި އެބަތިއްބެވެ.

ގަވާއިދާ ހިލާފަށް އުޅޭ ބިދޭސީންގެ މައްސަލަތައް 'އިމިގްރޭޝަން ވޮޗު'ގެ ނަމުގައި ހުޅުވާފައިވާ ޕޯޓަލް މެދުވެރިކޮށް ހުށަހެޅޭނެއެވެ.