މޯލްޑިވްސް މީޑިއާ ކައުންސިލް (އެމްއެމްސީ)ގެ މެންބަރުކަމުގެ މަގާމަށް ދެ ބޭފުޅަކު އިންތިހާބު ކުރައްވައިފިއެވެ.
ހުސްވެފައިވާ މީޑިއާ ކައުންސިލްގެ ދެ މެންބަރުކަމުގެ މަގާމަށް އިންތިހާބު ކުރުމަށް މިއަދު ހެނދުނު ސޯޝަލް ސެންޓަރުގައި ކުރިޔަށް ގެންދިޔަ ވޯޓުގައި އެ މަގާމަށް އިންތިހާބު ކޮށްފައި ވަނީ އާމިނަތު ޒިހާނާ އަދި އާއިޝަތު ހަސަނެވެ. މި ދެ ބޭފުޅުންނަށް ވެސް ލިބިވަޑައިގެންފައި ވަނީ 32 ވޯޓެވެ.
މި އިންތިހާބުގައި ޖުމްލަ ހަ ކެންޑިޑޭޓުން ވާދަ ކޮށްފައިވެއެވެ. އެހެންނަމަވެސް މި ދެ ކެންޑިޑޭޓުންނަށް ފިޔަވާ އެހެން އެއްވެސް ކެންޑިޑޭޓަކަށް ވޯޓު ލިބިފައެއް ނުވެއެވެ.
މިއަދު ބޭއްވި މި އިންތިހާބުގައި ވޯޓުލުމަށްޓަކައި 50 މީޑިއާއެއް ރަޖިސްޓްރީ ކުރިއެވެ.
މީޑިއާތައް ރެގިއުލޭޓު ކުރުމަށްޓަކައި ގާނޫނަކުން އުފަން ކޮށްފައިވާ މޯލްޑިވްސް މީޑިއާ ކައުންސިލްގެ މެންބަރުކަމުގެ ދައުރަކީ ދެ އަހަރު ދުވަހެވެ. އެއްވެސް ފަރާތަކަށް ކައުންސިލުގެ މެންބަރުކަމުގައި ވިދިވިދިގެން 2 ދައުރު އަދާ ނުކުރެވޭނެއެވެ.
ސަރުކާރުން ބޮޑުކުރި ސިނގިރޭޓުގެ އަގު ހެޔޮކޮށްފި 
އުރީދޫގެ ހިދުމަތްތަކަށް ބުރޫ އަރައިފި 
ކުރީގެ ރައީސުން މުޒާހަރާ ކުރަން ނިކުންނައިރު ސެކިއުރިޓީ ކަނޑާލަނީ 
މަޝްރޫއު އަވަސްކުރަން ޚާއްސަ ޔުނިޓު އުފެއްދުމަކީ ސަރުކާރު ފެއިލްވުން 
ސިނގިރޭޓުގެ އަގު ހެޔޮކުރާ ބިލު މުޅި މަޖިލީހުގެ ކޮމެޓީން ފާސްކޮށްފި 
މަޝްރޫއުތައް ނިންމަން މިނިސްޓްރީތަކުގައި ހާއްސަ ޔުނިޓެއް 
