އިދިކޮޅު އެމްޑީޕީގެ ހިންގުން ހަރުދަނާ ކުރުމުގެ ގޮތުން ދެކުނުގެ ރަށްތަކުގެ ރައްޔިތުންނާއި ބައްދަލު ކުރުމަށް އެޕާޓީގެ ލީޑާޝިޕްގެ ބޭފުޅުން މިއަދު ފުރާވަޑައިގެންފިއެވެ.
މި ދަތުރުގައި އެމްޑީޕީގެ ލީޑާޝިޕުން އައްޑޫ ސިޓީ އާއި ފުވައްމުލަކު ސިޓީގެ އިތުރުން ހުވަދޫ އަތޮޅުގެ ރަށްތަކަށް ވަޑައިގަތުމަށް ވަނީ ހަމަޖެހިފައެވެ. އެ ޕާޓީގެ ޗެއާޕާސަން ފައްޔާޒު އިސްމާއީލް ވިދާޅުވީ ޕާޓީގެ ހިންގުން ހަރުދަނާ ކުރުމަށް އެކުލަވާލާ މަގުޗާޓަށް އާއްމުންގެ ހިޔާލު ހޯދުމަކީ އެ ދަތުރުގެ މައިގަނޑު މަގުސަދު ކަމަށް ވިދާޅުވެފައެވެ.
ރިޔާސީ އިންތިހާބާއި ރައްޔިތުން މަޖިލީހުގެ އިންތިހާބުން ލިބުނު ބޮޑު ނާކާމިޔާބީއާއެކު އެޕާޓީން އަންނަނީ ޕާޓީ ހިންގުން ހަރުދަނާ ކުރުމަށް ހާއްސަ ކޮމެޓީއެއް ނަގައިގެން މަސައްކަތްތަކެއް ކުރަމުންނެވެ. އެގޮތުން އެ ކޮމެޓީން އެކުލަވާލާ ދިރާސާ ރިޕޯޓު އަންނަ ހަފްތާގައި ލިބޭނެ ކަމަށް ފައްޔާޒު ވިދާޅުވިއެވެ.
ފައްޔާޒު ވިދާޅުވީ ދިރާސާ ރިޕޯޓުގެ ބޭރުން ވެސް ޕާޓީ ހަރުދަނާ ކުރުމަށް ހުރި ކަންކަން ފާހަގަކުރެވިފައިވާ ކަމަށެވެ.
"އެމްޑީޕީ ރޯޑްމެޕް" ނަމުގައި ޕާޓީގެ އިދާރީ ހިންގުން ހަރުދަނާކުރުމަށް މަގުޗާޓެއް އެކުލަވާލުމަށް ނިމިދިޔަ ޖޫން މަހުގެ 11 ވަނަ ދުވަހު ޕާޓީގެ ގައުމީ މަޖިލީހުން ވަނީ ފާސް ކޮށްފައެވެ.
ދެކުނުގެ ކަނޑު ބެލުމަށް ދަރުމަވަންތައާ ޑްރޯން ހަރަކާތްތެރިވަނީ 
ފައިސަލް ހާމަކުރެއްވީ 10 ރިސޯޓުން ރައްޔިތުންނަށް ފައިދާ ނުދެވޭނެކަން 
ރިޔާސީ ބަޔާނަކީ އިންތިހާބަށް، ރައްޔިތުންނަށް ދެއްކި ނަނާ ހުވަފެނެއް 
މޮރީޝަސްއަށް ފޮނުވި ސިޓީ އަނބުރާ ގެނައުމުގެ ސިޓީގައި ސޮއިކޮށްފި 
މާޗު މަހުން ފެށިގެން ކޮންމެ ހަފްތާއަކު ރައީސްގެ ޕްރެސް ކޮންފަރެންސް 
ވަތަނީ ހިދުމަތުން ދަސްވެނިވި ކުދިންނަށް ވަޒީފާތައް ހަމަޖައްސައިދީފި 
