އަމީނީ މަގުގައި ހުންނަ ކޭއެފްސީ ރެސްޓޯރެންޓުގެ ބިއްލޫރިގަނޑު ތަޅާލައި ގެއްލުން ދީފިއެވެ.

ފުލުހުން މިއަދު ބުނީ ކޭއެފްސީގެ ބިއްލޫރިގަނޑަށް ގެއްލުން ދީފައިވާ ކަމުގެ ރިޕޯޓު ލިބުނީ ރޭ 3:06 ހާއިރު ކަމަށެވެ. އަދި އެ މައްސަލަ ފުލުހުން ބަލަމުން އަންނަ ކަމަށް ވެސް ބުންޏެވެ.

ނަމަވެސް އެ މައްސަލާގައި އަދި މީހަކު ހައްޔަރު ކޮށްފައިވާ ކަމަކަށް ފުލުހުން ހާމައެއް ނުކުރެއެވެ.

މިދިޔަ އަހަރުވެސް ކޭއެފްސީ އަށް ގެއްލުން ދީފައިވެއެވެ. އެފަހަރު ޖެހީ ކަޅުތެލެވެ. މިދިޔަ އަހަރު ކޭއެފްސީގެ އިތުރުން ޕިއްޒާ ހަޓާ ކޮކާކޯލާގެ ގުދަނަކަށް ވެސް ކަޅުތެޔޮ ޖެހިއެވެ.