މާލޭގައި ހިނގި އެކްސިޑެންޓެއްގައި ބަޔަކަށް އަނިޔާވެ، އެކަކަށް ހޮސްޕިޓަލުގައި ފަރުވާ ދޭން ފަށައިފިއެވެ.

ފުލުހުން މިއަދު ބުނީ ބުރުޒުމަގު ޓީވީ މޯލްޑިވްސް ކުރިމަތިން ދެ ސައިކަލެއް ޖެހި އެކްސިޑެންޓެއް ހިނގާފައިވާ ކަމުގެ މައުލޫމާތު 10:39 ހާއިރު ފުލުހުންނަށް ރިޕޯޓެއް ލިބިފައިވާ ކަމަށެވެ.

އެ އެކްސިޑެންޓުގައި ހަތަރު މީހަކަށް އަނިޔާވިއެވެ. ފުލުހުން ބުނީ އެތަނުން އެކަކަށް އައިޖީއެމްއެޗުގައި ފަރުވާ ދެމުން އަންނަ ކަމަށެވެ. އެއީ ދިވެހި ފިރިހެނެކެވެ.