މިދިޔަ އަހަރު އުފެއްދި ދަ ޑިމޮކްރެޓްސް އާއި އަދި މިހާރުގެ އިދިކޮޅު ޕާޓީ އެމްޑީޕީން ހަރުގެ ހިންގި ތަން ސަރުކާރު ހިންގާ މައިޕާޓީ ޕީއެންސީ އަށް ކުއްޔަަށް ދީފިއެވެ.
އެމްޑީޕީ އަދި ޑިމޮކްރެޓްސް އިން ހަރުގޭގެ ގޮތުގައި ބޭނުން ކުރަމުން ދިޔައީ އާޓްފިޝަލް ބީޗު ކުރިމައްޗަށްވާ ގޮތަށް ހުންނަ ތަނެވެ. އެމްޑީޕީގެ އަތުން އޭރު އެތަން އަތުލީ އެޕާޓީގެ ތެރޭގައި ދެ ފެކްޝަނެއް އުފެދުމާއި ގުޅިގެންނެވެ.
އެތަނަކީ ޝަފިއްޔާ ޒުބައިރު ނަމަކަށް ކިޔާ މީހެއްގެ ތަނެކެވެ. އޭރު ޝަފިއްޔާ އަކީ އެމްޑީޕީގެ އެކްޓިވިސްޓެއް ނަމަވެސް ޕާޓީ ތެރޭގައި ފެކްޝަން އުފެދުމުން އޭނާ ތާއީދުކުރީ ރައީސް މުހައްމަދު ނަޝީދުގެ ފެކްޝަނަށެވެ.
އޭނާ އޭރު ބުނީ އެތަން އޭނާ ކުއްޔަށް ދިނީ ވިޔަފާރިވެރިއަކަށް ކަމަށެވެ. އެ ވިޔަފާރިވެެރިޔާ އަށް އެތަން ކުއްޔަށް ދިނީ އޭނާ އަށް ވެސް އެތަން އެހެން ފަރާތަކަށް ކުއްޔަށް ދެވޭނެ ގޮތަކަށެވެ.
ޑިމޮކްރެޓްސް ޕާޓީން އޭރު އެތަން ކުއްޔަށް ނެގީ އެ ވިޔަފާރިވެެރިޔާއާއެކު ހަދާފައިވާ ސަބް ލީސް އެގްރީމަންޓެއްގެ ދަށުންނެވެ.
ނަމަވެސް މިދިޔަ އޭޕްރީލް މަހުގެ 21ވަނަ ދުވަހު ބޭއްވި މަޖިލިސް އިންތިހާބަށް ފަހު ފެނިގެން ދިޔައީ އެ ހަރުގޭގައި ހުރި ޑިމޮކްރެޓްސްގެ ސާމާނުތައް ނެރުނު މަންޒަރެވެ. އަދި އެއަށްފަހު ހަރުގެ ބަންދުކުރިއެވެ.
މައުލޫމާތު ލިބިފައިވާ ގޮތުގައި މިހާރު އެތަން ކުއްޔަށް ދީފައި ވަނީ ޕީއެންސީ އަށެވެ. އަދި އެޕާޓީން އަންނަނީ ހަރުގެ ހުޅުވުމުގެ ތައްޔާރީތައް ވަމުންނެވެ.
ދަރަނި ދެއްކުން ފަސްކޮށް، އިންޓްރެސްޓް ރޭޓް ކުޑަކުރަން ގޮވާލައްވައިފި 
އިމާމުންގެ މަހާސިންތާ ފަށައިފި، 600އަށްވުރެ ގިނަ އިމާމުން ބައިވެރިވޭ 
ރައީސް މުއިއްޒު އެމެރިކާ އަށް ވަޑައިގެންފި 
ބީއެމްއެލްގެ ބޯޑަށް ތިން ބޭފުޅަކު އައްޔަންކޮށްފި 
މާރާމާރީ ހިންގުމަށްފަހު ފިލައިގެން އުޅުނު ބަޔަކު ހައްޔަރުކޮށްފި 
މުހިއްމު ހުރިހާ ކަމެއްގައި ރާއްޖޭގެ ބަސް އިއްވާނަން: ރައީސް 
