ރ. އުނގޫފާރުގައި ކުޅެން އުޅުނު ކުޑަ ދެ ކުއްޖަކު ކަރަންޓުގައި ޖެހިގެން ފަރުވާ ދޭން ފަށައިފިއެވެ.

އުނގޫފާރު ހޮސްޕިޓަލުން ބުނީ އެ ދެކުދިންގެ ހާލު ސީރިއަސް ކަމަށެވެ. ނަމަވެސް އެދެކުދިންނަށް ލިބުނު ގެއްލުންތަކުގެ ތަފްސީލެއް ހާމައެއް ނުކުރެއެވެ.

މައުލޫމާތު އެނގޭ ފަރާތަކުން "ހަތާވީސް" އަށް ކިޔައިދިން ގޮތުގައި އެކުދިން ކަރަންޓުގައި ޖެހުނީ ކުޅެން އުޅުމުގެ ތެރޭގައި އެ ސަރަހައްދުގައި ހުރި ފެންގަނޑަކަށް އެރި އުޅުމުގެ ތެރޭގައެވެ.

"ބެލެވެނީ އެ ފެންގަނޑަށް އެތަނުގައި ހުރި ހޮޅިބުރި ކަރަންޓު އައިސްފައި ހުރީ ކަމަަށް ފެންގަނޑަށް،" އޭނާ ބުންޏެވެ.

އެގޮތަށް އެކަންވެފައި ވަނީ ވިއްސާރަވުމުގެ ސަބަބުން ކަމަށް ބެލެވޭ ކަމަށް ވެސް އޭނާ ބުންޏެވެ.