ފަތުރުވެރިއަކު ސަލާމަތްކުރަން އުޅުނި ރިސޯޓް މުވައްޒަފަކު ގެނބިގެން ނިޔާވެއްޖެއެވެ.

މަރުވެފައި ވަނީ އދ. ސަންޓާރާ ރިސޯޓުގައި މަސައްކަތް ކުރާ އުމުރުން 39 އަހަރުގެ އަހުމަދު އަފްސަލްއެވެ. އޭނާއަކީ އައްޑޫ ސިޓީ، ހިތަދޫއަށް އުފަން މީހެކެވެ.

އަފްސަލް ސަލާމަތް ކުރަން އުޅުނު ޗައިނާ ފަތުރުވެރިޔާ ވަނީ ސަލާމަތްވެފައެވެ.

ފުލުހުން ބުނީ އަފްސަލްގެ ހަށިގަނޑު މޫދުން ނަގައިގެން ގެންދިޔައީ ދަނގެތި ހެލްތު ސެންޓަރަށް ކަމަށާއި އެތަނަށް ގެންދިޔައިރު ވެސް އޭނާ މަރުވެފައިވާ ކަމަށް ދަނގެތި ހެލްތު ސެންޓަރުން މައުލޫމާތު ދީފައިވާ ކަމަށެވެ.