ސަރުކާރުން ވިލިމާލޭގައި އިމާރާތް ކުރާ 100 އެނދުގެ ހޮސްޕިޓަލުގެ ދިރާސާ ހެދުމަށް ޗައިނާއާ ހަވާލުކޮށްފިއެވެ.

ރާއްޖޭގެ ފަރާތުން އެ އެެއްބަސްވުމުގައި ސޮއިކުރީ ކޮންސްޓްރަކްޝަން އަދި އިންފްރަސްޓްރަކްޗާ މިނިސްޓަރު ޑރ. މުއްތަލިބެވެ. ޗައިނާގެ ފަރާތުން އެއްބަސްވުމުގައި ސޮއި ކުރެއްވީ ޗައިނާއިން ރާއްޖެ ކަނޑައަޅުއްވާފައިވާ ސަފީރު ވަން ލިޒިންނެވެ.

މި މަރުހަލާގައި ކަމާގުޅުންހުރި ޗައިނާގެ ފަރާތްތައް ރާއްޖެ އައިސް މަޝްރޫއުގެ ޓެކްނިކަލް ތަފްސީލުތައް ދެނެގަންނާނެ ކަމަށް ކޮންސްޓްރަކްޝަން މިނިސްޓްރީން ބުނެއެވެ. އަދި ޓެންޑާ މަރުހަލާ އަށް ބޭނުންވާ ލިޔުންތައް ތައްޔާރު ކުރާނެ ކަމަށްވެސް ބުންޏެވެ.