އެމްޑީޕީގެ ޕީޖީގެ މަގާމުތަކަށް ކުރިމަތިލާން ހުޅުވާލަައިފި، ވޯޓުލުން އަންނަ އަންގާރަ ދުވަހު

އިދިކޮޅު އެމްޑީޕީގެ ޕާލިމަންޓްރީ ގްރޫޕް (ޕީޖީ) ގެ މަގާމުތަކަށް ކުރިމަތިލާން ހުޅުވާލައިފިއެވެ.

އެމްޑީޕީން ނެރެފައިވާ އިއުލާނެއްގައި މިއަދު ބުނީ އެޕާޓީގެ ޕާލިމެންޓަރީ ގްރޫޕްގެ އިންތިޚާބު 28 މޭ 2024 ވާ އަންގާރަ ދުވަހު އޮންނާނެ ކަމަށެވެ. އެ އިންތިހާބުގައި ޕީޖީގެ މަޤާމްތަކަށް ވާދަކުރަން ބޭނުންވާ އެޕާޓީގެ ޕާލިމެންޓަރީ ގްރޫޕްގެ މެންބަރުން އަންނަ ހޯމަ ދުވަހުގެ މެންދުރު 14:00 ގެ ކުރިން [email protected] އަށް އެކަން އެންގެވުން އެދޭ ކަމަށް ވެސް އިއުލާނުގައިވެއެވެ.

އިންތިހާބުކުރާ އެމްޑީޕީ ޕީޖީގެ މަގާމުތައް:

- ޕާލިމެންޓަރީ ގްރޫޕްގެ ލީޑަރ

- ޕާލިމެންޓަރީ ގްރޫޕްގެ ނައިބު ލީޑަރ

- ޕާލިމެންޓަރީ ގްރޫޕްގެ ނައިބު ލީޑަރ

- ސެކްރެޓަރީ ޖެނެރަލް

- ސެކްރެޓަރީ ޖެނެރަލް ގެ ނާއިބު

- ޗީފް ވިޕް

- ވިޕް

- ވިޕް

ނަވާރަވަނަ މަޖިލީހުގައި އެމްޑީޕީ އަށް ސުޕަ މެޖޯރިޓީ ލިބިފައި އޮތް ނަމަވެސް ނިމިދިޔަ 20ވަނަ މަޖިލިސް އިންތިހާބުގައި އެމްޑީޕީ އަށް ލިބުނީ އެންމެ 12 ގޮނޑިއެވެ.