ސައުދީ ރަސްގެފާނު ސަލްމާން ބިން އަބްދުލް އަޒީޒް ފުއްޕާމޭގެ އާލާސްކަންފުޅަކަށް ޖިއްދާގެ އަލްސަލާމް ގަނޑުވަރުގައި ފަރުވާ ހޯއްދަވާނެ ކަމަށް އެ ގައުމުގެ ސްޓޭޓް ނިއުސް އެޖެންސީން ބުނެފިއެވެ.
ސައުދީގެ ސްޓޭޓް ނިއުސް އެޖެންސީއާ ހަވާލާދީ ރޮއިޓާސް އިން މިއަދު ބުނީ އުމުރުން 88 އަހަރުފުޅުގެ ސައުދީ ރަސްގެފާނުގެ ފުއްޕާމޭގެ އާލާސްކަންފުޅު ރަނގަޅުވަންދެން އެންޓިބަޔޮޓިކްސް ބޭނުންކޮށްގެން ފަރުވާ ދޭނެ ކަމަށެވެ.
ރަސްގެފާނުގެ ސިއްހީ ހާލުކޮޅުގެ ސަބަބުން ސައުދީގެ ބޮޑުވަޒީރު އަދި ރަސްގެފާނުގެ ދަރިކަލުން މުހައްމަދު ބިން ސަލްމާން ޖަޕާނަށް ކުރައްވަން ހަމަޖެހިފައިވާ ދަތުރުފުޅު ވެސް ވަނީ ފަސް ކުރައްވައިފައެވެ.
ރޮއިޓާސް އިން ބުނީ މީގެ އިއްޔެގެ ވަގުތެއްގައި ރަސްގެފާން ސަލްމާން ހުން އައިސް ހުޅުހުޅުގައި ރިއްސާތީ އަލް ސަލާމް ގަނޑުވަރުގައި މެޑިކަލް ޓެސްޓުތަކެއް ހެއްދެވި ކަމަށެވެ. އަދި ފުއްޕާމޭގެ އާލާސްކަންފުޅެއް ހުންނެވިކަން އެނގުނީ އެހިސާބުން ކަމަށްވެއެވެ.
ރަސްގެފާނު އެންމެ ފަހުން ހޮސްޕިޓަލުގައި އެޑްމިޓްކުރީ ރޫޓީން ޗެކަޕެއް ހެދުމަށް މިދިޔަ އޭޕްރީލް މަހުގެ ތެރޭގައެވެ.
"ސިލޯނާއެކު ދިވެހީން" ޓެލެތޯން އަށް ދެ މިލިއަން ރުފިޔާ ލިބިއްޖެ
ސަނީގެ އުމަރުގެ ފަރާތުން އަނިޔާ ލިބުނު ކުއްޖާގެ އާއިލާއިން ޕޮލިހަށް
ޕީއެންސީން ކައުންސިލް އިންތިހާބުގެ ޕްރައިމަރީއަށް މާދަމާ ހުޅުވާލަނީ
ހުޅުމާލެ ގެސްޓު ހައުސެއްގައި ބިދޭސީއަކު މަރުވެފައި އޮއްވާ ފެނިއްޖެ
އެސްޓީއޯ އާއި ހިޓާޗީގެ ގުޅުމަށް 25 އަހަރުފުރުން ފާހަގަކޮށްފި
އެމްޑީޕީގެ ޗެއާޕާސަންގެ މަގާމަށް މީކާއީލް ވާދަކުރައްވަނީ