ދަތުރު ކުރައްވަމުން ގެންދެވި ހެލިކޮޕްޓަރު ވެއްޓުމާއި ގުޅިގެން އީރާނުގެ ރައީސް އިބްރާހީމް ރައީސީ އަވަހާރަވިކަން އެގައުމުން ރަސްމީކޮށް އިއުލާންކޮށްފިއެވެ.

ރައިސީ އަވަހާރަވުމާ ގުޅިގެން، އޭނާގެ ޒިންމާތަކާ ވަގުތީ ގޮތުން ނައިބު ރައީސް މޮހްބެރް ވަނީ ހަވާލުވެވަޑައިގެންފައެވެ.

އީރާނުގެ ރަސްމީ ނޫސް އެޖެންސީ އިރްނާއިން ބުނީ ރައީސީއާއެކު އެ ދަތުރުގައި އެގައުމުގެ ފޮރިން މިނިސްޓަރާއި އެގައުމުގެ އޮފިޝަލުން ވެސް ދަތުރުކުރަމުން ދިޔަ ކަމަށެވެ.

އީރާނުގެ ދައުލަތުގެ މީޑިއާއިން ބުނީ މި ހާދިސާ ހިނގާފައިވަނީ އީރާނުގެ އިރުމަތީ އަޒަރުބައިޖާން ޕްރޮވިންސްގެ ޖޮލްފާ ކައިރީގައި ކަމަށެވެ.