ހަށިވިއްކުމުގެ ވިޔަފާރި ކުރާ ޓެލެގްރާމް ޗެނަލެއް އަނެއްކާވެސް ފުލުހުން ސީޒްކޮށް މައްސަލަ ބަލަން ފަށައިފިއެވެ.

ފުލުހުން މިއަދު ބުނީ ބޮޑެތި ކުށްތަކަށް އަރައިގަތުމަށް ހިތްވަރު ލިބޭ ގޮތަށް "އެމްވީ ކޯލް ގާލް" ގެ ނަމުގައި ހިންގަމުން ގެންދިޔަ ޓެލެގްރާމް ޗެނަލެއް ސީޒްކޮށް އެ މައްސަލަ ފުލުހުން ތަހުގީގު ކުރަމުން އަންނަ ކަމަށެވެ. މިއީ މިފަހަކުން ފުލުހުން ސީޒްކުރި މިފަދަ ދެވަނަ ޓެލެގްރާމް ޗެނަލެެވެ.

އެގޮތުން މިއަހަރުގެ ތެރޭގައި ފުލުހުން ވަނީ "ޖަޒީރާ އެޑްމިން" އާއި "ޖަޒީރާ ގާލްސް" އާއި "ޖަޒީރާ އެސްކޯޓް ގެލަރީ" އާއި "ޖަޒީރާ ސްކޭމް އެލާޓް" އަދި "ޖަޒީރާ ލިންކް ހަބަރު"ގެ ނަމުގައި ހިންގަމުން ދިޔަ ޓެލެގްރާމް ޗެނަލެއް ސީޒްކޮށް މައްސަލަ ތަހުގީގު ކުރަން ފަށައިފައެވެ. މި މައްސަލާގައި ތިން މީހަކު ހައްޔަރު ވެސް ކޮށްފައިވެއެވެ.