މިއަދު ކުރިޔަށްދާ ރައްޔިތުން މަޖިލިސް އިންތިހާބުގައި ވޯޓުލުމުގެ ހައްގު ލިބިފައިވާ މީހުންގެ ތެރެއިން 60 ޕަސެންޓަށްވުރެ ގިނަ މީހުން ވޯޓުލައިފިއެވެ.

މި އިންތިހާބުގައި 284،663 މީހުންނަށް ވޯޓުލުމުގެ ހައްގު ލިބިފައިވެއެވެ. މެންދުރުފަހު 16:00އާ ހަމައަށް 181،406 މީހުން ވޯޓުލާފައިވާ ކަމަށް އިލެކްޝަންސް އިން ބުނެއެވެ. މިއީ ވޯޓުލުމުގެ ހައްގު ލިބިފައިވާ މީހުންގެ ތެރެއިން 63.73 ޕަސެންޓު މީހުންނެވެ.

އެ ކޮމިޝަނުން ބުނީ ވޯޓުލާން މިހާތަނަށް 103،257 ވޯޓުލާން އަދި ނުނިކުންނަ ކަމަށެވެ.

މަޖިލިސް އިންތިހާބުގެ ވޯޓުލުން ކުރިޔަށް ދާނީ މިއަދުގެ ހަވީރު 17:30އާ ހަމައަށެވެ. އިލެކްޝަންސް އިން ވަނީ އެ ވަގުތު ހަމަވުމުން އިތުރު އެންމެ މިނެޓެއް ވެސް ވޯޓުލާން ނުދޭނެ ކަމަށް ބުނެފައެވެ.