މިއަހަރުގެ ފުރަތަމަ ތިން މަސް ދުވަހުގެ ތެރޭގައި މޯލްޑިވްސް ކަސްޓަމްސް އިން 14 ކިލޯގެ މަސްތުވާތަކެތި އަތުލައިގެންފައިވާ ކަމަށް އެ އިދާރާ އިން ހާމަ ކޮށްފިއެވެ.

އަހަރުގެ މިހާތަނަށް ކަސްޓަމަސް އިން އަތުލައިގެން މަސްތުވާތަކެތީގެ ތެރެއިން އެންމެ ގިނައިން އަތުލައިގެންފައި ވަނީ ސިންތެޓިކް ކެތިނޯންސް ނަމަކަށް ކިޔާ މަސްތުވާތަކެއްޗެވެ. އެ ބާވަތުގެ ގާތްގަނޑަކަށް ހަ ކިލޯއެއްހާ މަސްތުވާތަކެތި އަތުލައިގެންފައިވެއެވެ.

ދެވަނަ އަށް އެންމެ ގިނައިން އަތުލައިގެންފައި ވަނީ ހިރޮއިންނެވެ. އެ ބާވަތުގެ މަސްތުވާތަކެތީގެ ފަސް ކިލޯ ވަނީ ކަސްޓަމްސް އިން ވޭތުވެދިޔަ ތިން މަސް ދުވަހު އަތުލައިގެންފައެވެ.

ކަސްޓަމްސް އިން ދެން އަތުލައިގެންފައިވާ މަސްތުވާތަކެތި

އެމްޑީއެމްއޭގެ 1،152 ގްރާމް

މެތަމްފެޓަމިންގެ 570 ގްރާމް

އެމްފެޓަމިންގެ 350 ގްރާމް